കഴിമ്പ്രം വാഴപ്പുള്ളി ശ്രീ രാജ രാജേശ്വരി ക്ഷേത്രത്തിൽ ഗോക്കളെ നടയിരുത്തി
ചേറ്റുവ സ്വദേശി പേങ്ങാട്ട് രവീന്ദ്രൻ എന്ന ഭക്തനാണ് വെച്ചൂരി പശുവിനെയും കുട്ടിയേയും കഴിമ്പ്രം വാഴപ്പുള്ളി ശ്രീ രാജ രാജേശ്വരി ക്ഷേത്രത്തിൽ നടയിരുത്തി. രാവിലെ ക്ഷേത്രത്തിൽ ഗണപതി ഹവനം, വിദ്യാഗോപാല ഹവനം, നവരാത്രി പൂജ, ഉച്ചപൂജ, ശ്രീഭൂതബലി എന്നിവക്ക് ശേഷം ക്ഷേത്രം മേൽശാന്തി മനോജ് ഗോപൂജ നടത്തി. ക്ഷേത്രം പ്രസിഡണ്ട് വി.യു ഉണ്ണികൃഷ്ണൻ ഗോക്കളെ ഏറ്റുവാങ്ങി. സഹകാർമ്മികരായ ഷിനോജ്, രാംഘോഷ്, ക്ഷേത്രം ഭാരവാഹികളായ വി.ആർ രാധാകൃഷ്ണൻ, വി.കെ ഹരിദാസ്, വി.കെ ശശിധരൻ, വി.ജെ ഷാലി, വി.സി ഷാജി, വി.എച്ച് ഷാജി എന്നിവർ ചടങ്ങുകൾക്ക് നേതൃത്വം നൽകി.
