കുവൈറ്റിലെ മംഗഫിൽ ഹൈവേ സെന്ററിന്റെ വിപുലീകരിച്ച ശാഖാ പ്രവർത്തനം ആരംഭിച്ചു

കുവൈറ്റ്: കുവൈറ്റിലെ പ്രമുഖ സൂപ്പർമാർക്കറ്റ് ശൃഖലയായ ഹൈവേ സെന്ററിന്റെ മംഗഫിലെ നവീകരിച്ച ശാഖ പ്രവർത്തനം ആരംഭിച്ചു. എൻ ബി ടി സി മാനേജിങ് ഡയറക്ടർ കെ ജി എബ്രഹാം ഉദ്ഘാടനം നിർവഹിച്ചു. എണ്ണ അനുബന്ധ വ്യവസായരംഗത്തെ പ്രമുഖരായ എൻ ബി ടി സി ഉൾപ്പെടുന്ന ബിസിനസ് ഗ്രൂപ്പായ കെ ജി എ ഗ്രൂപ്പിന്റെ ഉടമസ്ഥതയിൽ ഉള്ള സ്ഥാപനമാണ് ഹൈവേ സെന്റർ.

കെ ജി എ ഗ്രൂപ്പിന്റെ തന്നെ കുവൈറ്റിലെ ഫാമുകളിൽ ഉല്പാദിപ്പിക്കുന്ന പച്ചക്കറികൾ ആണ് പ്രധാന ആകർഷണം. മിക്കവാറും പച്ചക്കറികൾ ഇവിടെ തന്നെ ഉല്പാദിപ്പിക്കുന്നതായി കെ ജി എബ്രഹാം പറഞ്ഞു .വസ്ത്രങ്ങൾ, ഇലട്രോണിക്‌സ് ഉത്പന്നങ്ങൾ , ഭക്ഷ്യവസ്തുക്കൾ, പഴം, പച്ചക്കറി എന്നിവയുടെ വിപുല ശേഖരവും ഫ്രഷ് ഫുഡ് കൗണ്ടറും ഉൾപ്പെടെ വിപുല സൗകര്യത്തോടെയാണ് മംഗഫിൽ ഹൈവേ സെന്റർ പ്രവർത്തനം ആരംഭിച്ചത്.