ഫഹാഹീലിലും മംഗഫിലും പുതിയ ‘ഗ്രാൻഡ് ഫ്രഷ്’ സ്റ്റോറുകൾ നാളെ തുറക്കും

കുവൈറ്റ് : ഗ്രാൻഡ് ഹൈപ്പറിന്റെ പുതിയ ‘ഗ്രാൻഡ് ഫ്രഷ്’ സ്റ്റോറുകൾ നാളെ (18/09/2024) ഫഹാഹീലിലും മംഗഫിലും ആരംഭിക്കും. ഫഹാഹീൽ ബ്ലോക്ക് 10, സ്ട്രീറ്റ് 15 ൽ വൈകുന്നേരം 4:30-നാണ് ആദ്യ സ്റ്റോർ ഉദ്‌ഘാടനം ചെയ്യുന്നത്, തുടർന്ന് 5 മണിക്ക് മംഗഫ് ബ്ലോക്ക് 4, സ്ട്രീറ്റ് 22-ൽ രണ്ടാമത്തെ സ്റ്റോറും തുറക്കും. ജനസാന്ദ്രതയുള്ള മേഖലകളിലാണ് ഈ സ്റ്റോറുകൾ ആരംഭിക്കുന്നത്.
പുതിയ സ്റ്റോറുകളിൽ വിവിധ തരത്തിലുള്ള അരി, പലവ്യഞ്ജനങ്ങൾ, ലോകമെമ്പാടുമുള്ള പഴങ്ങൾ, പച്ചക്കറികൾ, ഗുണമേന്മയുള്ള മാംസം, സീഫുഡ്, നിത്യോപയോഗ സാധനങ്ങൾ എന്നിവ ലഭ്യമായിരിക്കും. ഉപഭോക്താക്കൾക്ക് ഗുണമേന്മയുള്ള ഉൽപ്പന്നങ്ങൾ ശുചിത്വത്തോടെ താങ്ങാവുന്ന നിരക്കിൽ ലഭ്യമാക്കുക എന്നതാണ് ഗ്രാൻഡ് ഹൈപ്പർമാർക്കറ്റിന്റെ പ്രധാന ലക്ഷ്യമെന്ന് മാനേജ്‌മെന്റ് അറിയിച്ചു. കുവൈറ്റ് പൗരന്മാർക്കും പ്രവാസികൾക്കും അനുയോജ്യമായ വിപുലമായ ഉൽപ്പന്നങ്ങൾ ഒരുക്കിയിട്ടുണ്ട് . ഹോം ഡെലിവറി സേവനവും പുതിയ സ്റ്റോറുകളിൽ ലഭ്യമാകും.