ദേശീയ ചലച്ചിത്ര പുരസ്കാരം: ‘ആട്ടം’ മികച്ച ചിത്രം, നടൻ റിഷഭ് ഷെട്ടി, നടി നിത്യാ മേനോൻ, മാനസി പരേഖ്

എഴുപതാം ദേശീയ ചലച്ചിത്ര പുരസ്കാരങ്ങൾ പ്രഖ്യാപിച്ചു. 2022-ലെ ചിത്രങ്ങൾക്കുള്ള പുരസ്കാരങ്ങളാണ് പ്രഖ്യാപിച്ചത്. മലയാളത്തിന് അഭിമാനമായി ആനന്ദ് ഏകർഷി സംവിധാനം ചെയ്ത ‘ആട്ടം’ മികച്ച ചിത്രത്തിനുള്ള പുരസ്കാരം സ്വന്തമാക്കി. നടൻ – ഋഷഭ് ഷെട്ടി (കാന്താര), നടി – നിത്യാ മേനോൻ (തിരുച്ചിത്രമ്പലം), മാനസി പരേഖ് ( കച്ച് എക്സ്പ്രസ്). മികച്ച സംവിധായകനായി സൂരജ് ആർ ബർജാത്യ (ഊഞ്ചായി) തിരഞ്ഞെടുക്കപ്പെട്ടു. സൗദി വെള്ളക്കയിലെ ​ഗാനാലാപനത്തിന് ബോംബെ ജയശ്രീ മികച്ച പിന്നണി ​ഗായികയ്ക്കുള്ള പുരസ്കാരം സ്വന്തമാക്കി.

മികച്ച തിരക്കഥയ്ക്കുള്ള പുരസ്കാരവും, മികച്ച എഡിറ്റിങ്ങിനുള്ള പുരസ്കാരവും ‘ആട്ടം’ സ്വന്തമാക്കി. തരുൺ മൂർത്തി സംവിധാനം ചെയ്ത ‘സൗദി വെള്ളക്ക’യാണ് മികച്ച മലയാളം ചിത്രം. മാളികപ്പുറം എന്ന ചിത്രത്തിലൂടെ ശ്രീപഥ് യാൻ മികച്ച ബാലതാരമായി.