സൂര്യ കൃഷ്ണമൂർത്തിയുടെ മെഗാ സ്റ്റേജ്ഷോ ‘അഗ്നി-3’ മെയ് 3-ന് കുവൈറ്റിൽ
കുവൈറ്റ് : സൂര്യ കൃഷ്ണമൂർത്തിയുടെ മെഗാസ്റ്റേജ്ഷോ ‘അഗ്നി-3’, മെയ് 3-ന് അബ്ബാസിയ, അസ്‌പയർ ഇന്ത്യൻ ഇന്റർനാഷണൽ സ്‌കൂൾ ഓഡിറ്റോറിയത്തിൽ അരങ്ങേറും. കായംകുളം എൻ ആർ ഐസിന്റെ ബാനറിൽ നടക്കുന്ന പരിപാടി സൂര്യ കൃഷ്ണമൂർത്തിയുടെ 112-മത് ആവിഷ്കാരമാണ്. സൂര്യയുടെ നാമധേയത്തിൽ ഇതിനോടകം 111 മികച്ച കലാപ്രദർശനങ്ങൾ ഏഴായിരത്തിലധികം വേദികളിൽ അവതരിപ്പിച്ചിട്ടുണ്ട്. പതിവിൽ നിന്നും വ്യത്യസ്തമായി സംഗീതം, സിനിമ തുടങ്ങിയ സങ്കേതങ്ങൾ സംയോജിപ്പിച്ചുകൊണ്ടുള്ള കലാവിരുന്ന് ആണ് ‘അഗ്നി-3’ . പന്ത്രണ്ടിലധികം കലാകാരൻമാർ സൂര്യാകൃഷ്ണമൂർത്തിയുടെ നേതൃത്വത്തിൽ പരിപാടിയിൽ പങ്കെടുക്കും. പ്രവേശനം വിവിധ ഗ്രുപ്പ് പാസ്സുകൾ ആയി നിയന്ത്രിച്ചിട്ടുണ്ട്. 90082105, 65015834, 99170905 എന്നീ നമ്പറുകളിൽ ബന്ധപ്പെട്ട് കലാസ്വാദകർക്ക് ലളിതമായി പ്രവേശന പാസ്സുകൾ കരസ്ഥമാക്കാവുന്നതാണ്.
കായംകുളം എൻ ആർ ഐസിന്റെ ഇരുപതാം വാർഷികത്തോടനുബന്ധിച്ചു നടത്തപ്പെടുന്ന കലാപരിപാടിയുടെ ഭാഗമായി കുവൈറ്റിൽ വിവിധ മേഖലകളിൽ വ്യക്തിമുദ്ര പതിപ്പിച്ച വ്യക്തികളെയും, സ്ഥാപനങ്ങളെയും ആദരിക്കുന്ന ചടങ്ങും ഉണ്ടായിരിക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. ഈ പരിപാടിയുടെ പ്രധാന ലക്ഷ്യം ക്ലിനിക്കൽ സൗകര്യങ്ങളോടുകൂടിയുള്ള ഒരു ഡയാലിസ് യുണിറ്റ് സ്ഥാപിച്ചു, നിർദ്ധനരായവർക്ക് ഫ്രീയായ ചികിത്സാ സൗകര്യം ഒരുക്കുക എന്നതാണെന്നും. പരിപാടിയുടെ വിജയത്തിനായി എല്ലാവരുടെയും സഹകരണം പ്രതീക്ഷിക്കുന്നതായും സംഘാടകർ അറിയിച്ചു.
വാർത്താ സമ്മേളനത്തിൽ ബി.എസ്. പിള്ള (പ്രസിഡന്‍റ്), അഞ്ജലി (മെട്രോ മെഡിക്കൽ ഗ്രൂപ്പ് മാർക്കറ്റിങ് മാനേജർ), വഹാബ് റഹ്മാൻ (ജനറൽ സെക്രട്ടറി), കെ.ജി.ശ്രീകുമാർ (പ്രോഗ്രാം കൺവീനർ), ഗോപാലകൃഷ്ണൻ, ബിജു പാറയിൽ, അരുൺസോമൻ, സിനിജിത്, വിപിൻ മാങ്ങാട്, മനോജ് റോയ്, സാദത്ത്, സജൻ എന്നിവർ പങ്കെടുത്തു.
