പാവറട്ടി ഗ്രാമപഞ്ചായത്തിൽ ഉപതിരഞ്ഞെടുപ്പ്; പ്രാദേശിക അവധി
പാവറട്ടി: പാവറട്ടി ഗ്രാമപഞ്ചായത്തിലെ കാളാനി വാര്‍ഡ് (വാര്‍ഡ് 1), മുള്ളൂര്‍ക്കര ഗ്രാമപഞ്ചായത്തിലെ വണ്ടിപ്പറമ്പ് (വാര്‍ഡ് 11), വെള്ളാങ്ങല്ലൂര്‍ ബ്ലോക്ക് പഞ്ചായത്തിലെ കൊമ്പത്ത്കടവ് (ഡിവിഷന്‍ 7) എന്നിവിടങ്ങളില്‍ ഉപതിരഞ്ഞെടുപ്പ് നടക്കുന്ന ജൂലൈ 30ന് വാര്‍ഡ് പരിധിയില്‍ ഉള്‍പ്പെടുന്ന എല്ലാ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍, അര്‍ധസര്‍ക്കാര്‍ സ്ഥാപനങ്ങള്‍ക്കും ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ അര്‍ജുന്‍ പാണ്ഡ്യന്‍ പ്രാദേശിക അവധി പ്രഖ്യാപിച്ചു. പോളിങ് സ്റ്റേഷന്‍ പ്രവര്‍ത്തിക്കുന്ന വിദ്യാഭ്യാസ സ്ഥാപനങ്ങള്‍ക്ക് ജൂലൈ 29നും അവധി ആയിരിക്കും. ഈ വാര്‍ഡുകളില്‍ വോട്ടവകാശം ഉള്ളവരായ വാര്‍ഡിന് പുറത്തുള്ള സ്ഥാപനങ്ങളിലെ ജീവനക്കാര്‍ക്ക് സമ്മതിദാനാവകാശം വിനിയോഗിക്കുന്നതിന് ബന്ധപ്പെട്ട സ്ഥാപന മേധാവികള്‍ സൗകര്യം ചെയ്തുനല്‍കണമെന്ന് ജില്ലാ കലക്ടര്‍ അറിയിച്ചു.
