ലോക്‌സഭാ തിരഞ്ഞെടുപ്പ്; തപാല്‍ വോട്ട് ചെയ്തത് 11196 പേര്‍
തൃശൂര്‍: പൊതു തിരഞ്ഞെടുപ്പുമായി ബന്ധപ്പെട്ട് തൃശൂര്‍ ലോക്‌സഭാ മണ്ഡലത്തില്‍ വിവിധ വിഭാഗങ്ങളിലായി തപാല്‍ വോട്ട് ചെയ്തത് 11196 പേര്‍. ഭിന്നശേഷിക്കാരും 85 വയസിന് മുകളിലുള്ള മുതിര്‍ന്ന പൗരന്മാരും ഉള്‍പ്പെട്ട ആബ്‌സന്റീ വോട്ടര്‍മാര്‍ക്കായി ഏര്‍പ്പെടുത്തിയ ഹോം വോട്ടിങ് സംവിധാനത്തിലൂടെ 8876 പേര്‍ വോട്ട് രേഖപ്പെടുത്തി. വോട്ടെടുപ്പ് ദിവസം ഡ്യൂട്ടിയിലുള്ള അവശ്യസര്‍വീസ് ജീവനക്കാരില്‍ 247 പേരും പോളിങ് ഡ്യൂട്ടിയിലുള്ള 1926 പേരും വോട്ടേഴ്‌സ് ഫെസിലിറ്റേഷന്‍ സെന്റര്‍ വഴി വോട്ട് ചെയ്തു. സര്‍വീസ് വോട്ടര്‍മാരില്‍ 137 പേരും ഇ.ടി.പി.ബി.എം.സ് സംവിധാനത്തിലൂടെ വോട്ട് രേഖപ്പെടുത്തി.
