ലഹരി വിരുദ്ധ ബോധവൽക്കരണ സെമിനാർ സംഘടിപ്പിച്ച് എൻ ഇ എസ്

തൃപ്രയാർ : ലോക ലഹരി വിരുദ്ധ ദിനത്തോടനുബന്ധിച്ചു നാട്ടിക എഡ്യൂക്കേഷണൽ സൊസൈറ്റി ആർട്സ് & സയൻസ് കോളേജിൽ ബോധവൽക്കരണ സെമിനാർ സംഘടിപ്പിച്ചു. കോളേജിലെ ലഹരി വിരുദ്ധ സെല്ലിന്റെയും കോളേജ് പ്രൊട്ടക്ഷൻ ഗ്രുപ്പിന്റെയും അഭിമുഖ്യത്തിലാണ് ലഹരി വിരുദ്ധ സെമിനാർ സംഘടിപ്പിച്ചത്. വലപ്പാട് സർക്കിൾ ഇൻസ്‌പെക്ടർ ഓഫ് പോലീസ് സോണി മത്തായി ചടങ്ങ് ഉദ്ഘാടനം ചെയ്തു തുടർന്ന് അദ്ധേഹം വിദ്യാർത്ഥികൾക്ക് ബോധവൽക്കരണ ക്ലാസ്സ്‌ നൽകി . അധ്യക്ഷത വഹിച്ച കോളേജ് ചെയർമാൻ ശിവൻ കണ്ണോളി വിദ്യാർത്ഥികൾക്ക് ലഹരി വിരുദ്ധ സന്ദേശം നൽകി.

സെമിനാറിനു ശേഷം സി ഐ സോണി മത്തായി വിദ്യാർത്ഥികൾക്ക് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. കോളേജ് പ്രിൻസിപ്പാൾ എൻ സി അനീജ സ്വാഗതം പറഞ്ഞ ചടങ്ങിൽ എൻ ഇ എസ് സെക്രട്ടറി ഉണ്ണികൃഷ്ണൻ തൈപ്പറമ്പത്ത് ആശംസകൾ അർപ്പിച്ചു. വലപ്പാട് പോലീസ് സ്റ്റേഷൻ എസ് ഐ വിനോദ് കുമാർ, സി പി ജി ഇൻചാർജ് ഓഫീസർ ലെനിൻ, സി പി ഒ സനീഷ് കോളേജ് അധ്യാപകരായ ലതിമോൾ എം വി ശശിധരൻ വി എന്നിവർ സന്നിഹിതരായ ചടങ്ങിൽ കോളേജ് പ്രൊട്ടക്ഷൻ ഗ്രൂപ്പ്‌ ഇൻചാർജ് എൻ വി സ്മിത ടീച്ചർ നന്ദി രേഖപ്പെടുത്തി.