സംസ്ഥാന മിനി വോളിബോൾ ചാമ്പ്യൻഷിപ്പ് തൃപ്രയാറിൽ
തൃപ്രയാർ: തൃപ്രയാർ സ്പോർട്സ് & ഗെയിംസ് അസോസിയേഷന്റെയും സംസ്ഥാന വോളിബോൾ അസോസിയേഷന്റെയും സംയുക്ത നേതൃത്വത്തിൽ സംസ്ഥാന മിനി വോളിബോൾ ചാമ്പ്യൻഷിപ്പ് തൃപ്രയാർ ടി എസ് ജി എ സ്റ്റേഡിയത്തിൽ ആരംഭിച്ചു. മുൻ എംപി ടി എൻ പ്രതാപൻ ചാമ്പ്യൻഷിപ്പ് ഉദ്ഘാടനം ചെയ്തു.
സംസ്ഥാന വോളിബോൾ അസോസിയേഷൻ വൈസ് പ്രസിഡണ്ട് കെ പി തോമസ് ചടങ്ങിൽ അധ്യക്ഷത വഹിച്ചു. ചാമ്പ്യൻഷിപ്പിന്റെ ഭാഗമായി നടന്ന ഉദ്ഘാടന ചടങ്ങിൽ വോളിബോൾ മേഖലയിലെ പ്രമുഖ വ്യക്തികൾ പങ്കെടുത്തു. ജില്ലാ വോളിബോൾ അസോസിയേഷൻ പ്രസിഡൻറ് പി. ശിവകുമാർ, സെക്രട്ടറി ജോഷി ജോർജ്, ടി എസ് ജി എ ജനറൽ സെക്രട്ടറി സി ജി അജിത് കുമാർ, ട്രഷറർ ദില്ലി രത്നം, ടി ആർ ബിന്നി, പരമേശ്വരൻ മാസ്റ്റർ തുടങ്ങിയവർ ചടങ്ങിൽ പ്രസംഗിച്ചു.
മത്സരങ്ങൾക്കായി മികച്ച രീതിയിലാണ് തൃപ്രയാർ തയ്യാറെടുത്തിരിക്കുന്നതെന്നും, കളിക്കാർക്കും ആരാധകർക്കും മികച്ച അനുഭവമാക്കുവാൻ വേണ്ട എല്ലാ ക്രമീകരണങ്ങളും ഏർപ്പെടുത്തിയതായി സംഘാടകർ അറിയിച്ചു.
