അബൂദാബി ബിഗ് ടിക്കറ്റ് വിശ്വാസം വരാതെ പ്രിൻസും കൂട്ടുകാരും

ഷാർജയിൽ ജോലി ചെയ്യുന്ന പ്രിൻസ് കോലശ്ശേരി സെബാസ്റ്റ്യനും കൂട്ടുകാർക്കും അബുദാബി ബിഗ് ടിക്കറ്റിന്റെ 46 കോടി രൂപ (20 ദശലക്ഷം ദിർഹം) സമ്മാനമായി ലഭിച്ചു. ഇവരിൽ ഒരാളുടെ വിവാഹം അടുത്ത വെള്ളിയാഴ്ച നടക്കാനിരിക്കെയാണ് ബമ്പർ സമ്മാനം ലഭിച്ചത്.

“ഇത്ര വലിയ തുക സമ്മാനമായി ലഭിച്ചതിൽ ഞങ്ങൾക്കൊന്നും ഇപ്പോഴും വിശ്വാസമില്ല,” എന്ന് പ്രിൻസ് പറഞ്ഞു.

കഴിഞ്ഞ മാസം 4-നാണ് പ്രിൻസും ഒമ്പത് കൂട്ടുകാരും ചേർന്ന് അബുദാബി ബിഗ് ടിക്കറ്റ് എടുത്തത്. ഓരോരുത്തരും 100 ദിർഹം വീതം പങ്കിട്ട് പ്രിൻസിന്റെ പേരിൽ ടിക്കറ്റ് വാങ്ങുകയായിരുന്നു. ടിക്കറ്റ് നമ്പർ 197281 ആയിരുന്നു.