ഓണം വിപണനമേള ഉദ്ഘാടനം ചെയ്തു
തൃശൂര്‍: തൃശൂര്‍ ഗവ. എഞ്ചിനീയറിങ് കോളേജും സ്‌മോള്‍ ഇന്‍ഡസ്ട്രീസ് ഡെവലപ്പ്‌മെന്റ് ബാങ്ക് ഓഫ് ഇന്ത്യയും (സിഡ്ബി) സംയുക്തമായി ചെറുകിട സംരഭകര്‍ക്കായി തൃശ്ശൂര്‍ ടൗണ്‍ ഹാളില്‍ നടത്തുന്ന ഓണം വിപണന മേള പി. ബാലചന്ദ്രന്‍ എം.എല്‍.എ ഉദ്ഘാടനം ചെയ്തു. ഗവ. എഞ്ചിനീയറിങ് കോളേജ് പ്രിന്‍സിപ്പാള്‍ ഡോ. കെ. മീനാക്ഷി, കോളേജ് ടിബിഐ സെക്രട്ടറി ഡോ. എന്‍. ഹാരിസ്, മാനേജര്‍ ഡോ. അജയ് ജെയിംസ് തുടങ്ങിയവര്‍ ചടങ്ങില്‍ സന്നിഹിതരായിരുന്നു. വീട്ടുല്‍പ്പന്നങ്ങള്‍, തുണിത്തരങ്ങള്‍, ക്രാഫ്റ്റ്, പച്ചക്കറി, ലൈവ് ഫുഡ് കൗണ്ടര്‍ തുടങ്ങി നിരവധി ഉത്പന്നങ്ങളടങ്ങിയ 35ല്‍പ്പരം സ്റ്റാളുകള്‍ മേളയില്‍ ഒരുക്കിയിട്ടുണ്ട്. സെപ്റ്റംബര്‍ 6, 7 രാവിലെ 11 മുതല്‍ രാത്രി 8 വരെ മേള പ്രവര്‍ത്തിക്കും.
