2025ലെ പൊതുഅവധി ദിനങ്ങള്‍ പ്രഖ്യാപിച്ചു
2025ലെ പൊതു അവധി ദിനങ്ങള്‍ക്ക് മന്ത്രിസഭ അംഗീകാരം. പൊതു അവധികളുടെയും നിയന്ത്രിത അവധികളുടെയും പട്ടിക പ്രഖ്യാപിച്ചു. നെഗോഷ്യബ്ള്‍ ഇൻസ്ട്രുമെന്റ് ആക്‌ട് പ്രകാരമുള്ള അവധികളും ഇതില്‍ ഉള്‍പ്പെടും. അടുത്ത വർഷത്തെ പ്രധാനപ്പെട്ട 5 അവധി ദിനങ്ങള്‍ ഞായറാഴ്ചയാണ് വരുന്നത്. മാർച്ച്‌ 14 വെള്ളി (ഹോളി) ദിനത്തില്‍ ന്യൂഡല്‍ഹിയില്‍ പ്രവർത്തിക്കുന്ന പൊതുമേഖലാ സ്ഥാപനങ്ങള്‍ ഉള്‍പ്പെടെയുള്ള സംസ്ഥാന സർക്കാർ ഓഫീസുകള്‍ക്ക് പ്രാദേശിക അവധി അനുവദിക്കും. റിപ്പബ്ലിക് ദിനം, മുഹറം, നാലാം ഓണം & ശ്രീനാരായണഗുരു ജയന്തി, ശ്രീകൃഷ്ണജയന്തി, ശ്രീനാരായണഗുരു സമാധി എന്നീ അവധി ദിവസങ്ങള്‍ ഞായറാഴ്ചയാണ് വരുന്നത്. ഏറ്റവും കൂടുതല്‍ അവധികള്‍ ഉള്ള മാസം സെപ്റ്റംബർ ആണ്. ഓണം ഉള്‍പ്പെടെയുള്ള ആറ് അവധി ദിനങ്ങള്‍ ആണ് സെപ്റ്റംബറില്‍ ലഭിക്കുക. അതേസമയം അടുത്തവർഷം ഗാന്ധിജയന്തിയും വിജയദശമിയും ഒരു ദിവസമാണ്. കൂടാതെ ഡോക്ടർ ബി ആർ അംബേദ്കർ ജയന്തിയും വിഷുവും ഒരു ദിവസമാണ്.
ജനുവരി മാസത്തെ അവധി : 2 മന്നം ജയന്തി – വ്യാഴം, 26 റിപ്പബ്ലിക് ദിനം– ഞായർ
ഫെബ്രുവരി മാസത്തെ അവധി : 26 ശിവരാത്രി– ബുധൻ
മാർച്ച്‌ മാസത്തെ അവധി : 31 ഈദ്-ഉല്‍-ഫിത്തർ– തിങ്കള്‍
ഏപ്രില്‍ മാസത്തെ അവധി : ഏപ്രില്‍ -14 – തിങ്കള്‍ വിഷു ; ബി.ആർ അംബേദ്കർ ജയന്തി, ഏപ്രില്‍ – 17 പെസഹ വ്യാഴം– വ്യാഴം, ഏപ്രില്‍ – 18 ദുഃഖ വെള്ളി, ഏപ്രില്‍ – 20 ഈസ്റ്റർ – ഞായർ
മേയ് മാസത്തെ അവധി: മേയ് ദിനം: 01 – വ്യാഴം
ജൂണ്‍ മാസത്തെ അവധി: 06 ഈദുല്‍- അദ്ഹ (ബക്രീദ്)– വെള്ളി
ജൂലൈ മാസത്തെ അവധി : 06 മുഹറം – ഞായർ, 24 കർക്കടക വാവ് – വ്യാഴം
ഓഗസ്റ്റ് മാസത്തെ അവധി : 15 സ്വാതന്ത്ര്യ ദിനം- വെള്ളി, 28 അയ്യങ്കാളി ജയന്തി- വ്യാഴം
സെപ്റ്റംബർ മാസത്തെ അവധി : 04 ഒന്നാം ഓണം – വ്യാഴം, 05 തിരുവോണം – വെള്ളി, 06 മൂന്നാം ഓണം – ശനി, 07 നാലാം ഓണം ; ശ്രീനാരായണഗുരു ജയന്തി – ഞായർ, 14 – ശ്രീകൃഷ്ണ ജയന്തി – ഞായർ, 21- ശ്രീനാരായണഗുരു സമാധി- ഞായർ
ഒക്ടോബറിലെ അവധി : 01 മഹാനവമി – ബുധൻ, 02 ഗാന്ധി ജയന്തി ;വിജയ ദശമി – വ്യാഴം, 20 ദീപാവലി – തിങ്കള്‍
ഡിസംബറിലെ അവധി : 25 ക്രിസ്തുമസ് – വ്യാഴം
