ബോധവത്ക്കരണ പരിപാടി സംഘടിപ്പിച്ചു
പെരിങ്ങാവ്: സെന്‍ട്രല്‍ ബ്യൂറോ ഓഫ് കമ്മ്യൂണിക്കേഷന്‍ തൃശൂര്‍ യൂണിറ്റ് ഐ.സി.ഡി.എസ് പ്രൊജക്ട് ഒല്ലൂക്കര അഡീഷണലിന്റെ സഹകരണത്തോടെ വിവിധ സര്‍ക്കാര്‍ പദ്ധതികളെക്കുറിച്ച് ബോധവത്ക്കരണ പരിപാടി സംഘടിപ്പിച്ചു. പെരിങ്ങാവ് കമ്മ്യൂണിറ്റി ഹാളില്‍ നടന്ന പരിപാടി കോര്‍പ്പറേഷന്‍ ഡെപ്യൂട്ടി മേയര്‍ എം.എല്‍ റോസി ഉദ്ഘാടനം ചെയ്തു. ചേറൂര്‍ വാര്‍ഡ് കൗണ്‍സിലര്‍ അഡ്വ. വില്ലി ജിജോ അധ്യക്ഷയായി. സെന്‍ട്രല്‍ ബ്യൂറോ ഓഫ് കമ്മ്യൂണിക്കേഷന്‍ തൃശൂര്‍ ഫീല്‍ഡ് പബ്ലിസിറ്റി ഓഫീസര്‍ അബ്ദു മനാഫ്, ഐ.സി.ഡി.എസ് പ്രൊജക്ട് ഒല്ലൂക്കര അഡീഷണല്‍ (രണ്ട്) സി.ഡി.പി.ഒ ശാന്തകുമാരി, സിബിസി ഉദ്യോഗസ്ഥന്‍ അംജിത് ഷേര്‍ എന്നിവര്‍ സംസാരിച്ചു. ശുചിത്വ ഭാരതം, ഫിറ്റ് ഇന്ത്യ, കേന്ദ്ര സര്‍ക്കാരിന്റെ സാമൂഹിക- സാമ്പത്തിക സുരക്ഷാ പദ്ധതികള്‍ എന്നീ വിഷയങ്ങളില്‍ ക്ലാസുകള്‍ നടന്നു. തുടര്‍ന്ന് കലാപരിപാടികളും അരങ്ങേറി.
