കരട് വോട്ടര്‍ പട്ടിക പ്രസിദ്ധീകരിച്ചു
തൃശൂര്‍: കൊടുങ്ങല്ലൂര്‍ നഗരസഭയിലെ ചേരമാന്‍ മസ്ജിദ് കൗണ്‍സില്‍, ചൊവ്വന്നൂര്‍ ഗ്രാമപഞ്ചായത്തിലെ പൂശിപ്പള്ളി വാര്‍ഡ്, നാട്ടിക ഗ്രാമപഞ്ചായത്തിലെ ഗോഖലെ എന്നീ വാര്‍ഡുകളിലേക്ക് ഉപതിരഞ്ഞെടുപ്പിന് മുന്നോടിയായി വോട്ടര്‍ പട്ടിക പുതുക്കുന്നതിനുള്ള നടപടിക്രമം ആരംഭിച്ചു. ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ തുടര്‍നടപടി സ്വീകരിച്ച് അപ്‌ഡേഷന്‍ ഒക്ടോബര്‍ 18ന് പൂര്‍ത്തിയാക്കും. അന്തിമ വോട്ടര്‍ പട്ടിക 19 ന് പ്രസിദ്ധീകരിക്കും. വോട്ടര്‍പട്ടികയില്‍ പേര് ചേര്‍ക്കാനും, ആക്ഷേപങ്ങള്‍ ഉന്നയിക്കാനും, വോട്ടര്‍പട്ടികയുടെ ഉള്‍ക്കുറിപ്പുകള്‍ തിരുത്തുന്നതിനും sec.kerala.gov.in മുഖേന അപേക്ഷിക്കണമെന്ന് ഇലക്ഷന്‍ ഡെപ്യൂട്ടി കലക്ടര്‍ അറിയിച്ചു. ഒക്ടോബര്‍ 5 വരെ സമര്‍പ്പിക്കാം.
