സാമൂഹ്യ പ്രതിബദ്ധത സന്ദേശം നൽകി എടമുട്ടം ബീച്ച് ശുചീകരണം
എടമുട്ടം: സാമൂഹ്യ പ്രതിബദ്ധത സന്ദേശം നൽകി എടമുട്ടം റസിഡൻസ് അസോസിയേഷനും, ഇരിഞ്ഞാലക്കുട ക്രൈസ്റ്റ് കോളേജ് ഓഫ് എഞ്ചിനീയറിങ്ങിന്റെ സിവിൽ, മെക്കാനിക്കൽ വിഭാഗവും, എടമുട്ടം വ്യാപാരി വ്യവസായി ഏകോപന സമിതിയും ചേർന്ന് എടമുട്ടം ബീച്ച് ശുചീകരണവും, വേസ്റ്റ് ബിൻ സ്ഥാപിക്കലും നടത്തി. ഇ ആർ എ സെക്രട്ടറി ഡോ. ഷാജി ദാമോദരൻ അധ്യക്ഷത വഹിച്ച ചടങ്ങിൽ ഇ ആർ എ പ്രസിഡണ്ട് സുചിന്ദ് പുല്ലാട്ട് കാര്യപരിപാടികൾ ഉദ്ഘാടനം ചെയ്തു. ഇ ആർ എ എക്സിക്യൂട്ടീവ് അംഗം ക്ലമെന്റ് കെ ജെ സ്വാഗതം പറഞ്ഞു. ക്രൈസ്റ്റ് കോളേജ് സിവിൽ വിഭാഗം അംഗങ്ങളായ വിനീത ഷാരോൺ, ഷിൻസി എൻ എസ്, പ്രഭാശങ്കർ വി പി, മെക്കാനിക്കൽ വിഭാഗം ഫാക്കൽട്ടി അംഗം സജേഷ് കെ എസ് എന്നിവർ വിദ്യാർത്ഥികൾക്ക് നേതൃത്വം നൽകി. ഇ ആർ എ എക്സിക്യൂട്ടീവ് അംഗം ഷംസുദ്ദീൻ, ബെന്നി ആലപ്പാട്ട്, മുരളി തയ്യിൽ എന്നിവർ ആശംസകൾ അർപ്പിച്ചു. എക്സിക്യൂട്ടീവ് അംഗം ജോൺസൺ കെ ടി നന്ദി പ്രകാശിപ്പിച്ചു.
