കുട്ടികള്‍ക്ക് ഫുട്‌ബോള്‍ പരിശീലനം നടത്തുന്നു
കൊടകര: കൊടകര ബ്ലോക്ക് പഞ്ചായത്ത് കുട്ടികള്‍ക്കായി ഫുട്‌ബോള്‍ പരിശീലനം നടത്തുന്നു. 2024-25 സാമ്പത്തിക വര്‍ഷത്തെ പദ്ധതിയിലുള്‍പ്പെടുത്തി നടത്തുന്ന പരിശീലനത്തിലേക്ക് കുട്ടികളെ തെരഞ്ഞെടുക്കുന്നതിന് ട്രയല്‍സ് നടത്തുന്നു. കൊടകര ബ്ലോക്ക് പഞ്ചായത്ത് പരിധിയില്‍ സ്ഥിരതാമസമുള്ള 2010, 2011, 2012 വര്‍ഷങ്ങളില്‍ ജനിച്ച ആണ്‍കുട്ടികള്‍ക്കാണ് പരിശീലനം നല്‍കുന്നത്. കുട്ടികളുടെ വയസ്സ് തെളിയിക്കുന്നതിന് എസ്.എസ്.എല്‍.സി സര്‍ട്ടിഫിക്കറ്റ്, ആധാര്‍ എന്നിവ സഹിതം ഒക്ടോബര്‍ 8, 9, 10 തീയ്യതികളില്‍ പുതുക്കാട് സെന്റ് ജോസഫ് സ്‌കൂള്‍ ഗ്രൗണ്ടില്‍ രാവിലെ 6.30 മുതല്‍ 7.30 വരെ നടത്തുന്ന ട്രയല്‍സില്‍ നേരിട്ട് പങ്കെടുക്കണം.
