കൃഷിഭവനുകളില്‍ ഇന്റേണ്‍ഷിപ്പ്; അപേക്ഷ ക്ഷണിച്ചു
തൃശ്ശൂര്‍: തൃശ്ശൂര്‍ ജില്ലയിലെ കൃഷിഭവനുകളില്‍ ഇന്റേണ്‍ഷിപ്പ് ചെയ്യുന്നതിന് കാര്‍ഷിക വികസന കര്‍ഷക ക്ഷേമ വകുപ്പ് അവസരമൊരുക്കുന്നു. വി.എച്ച്.എസ്.സി (അഗ്രികള്‍ച്ചര്‍) പൂര്‍ത്തിയാക്കിയവര്‍ക്കും, അഗ്രിക്കള്‍ച്ചര്‍/ ഓര്‍ഗാനിക് ഫാമിംഗ് എന്നിവയില്‍ ഡിപ്ലോമ പൂര്‍ത്തിയാക്കിയവര്‍ക്കും അപേക്ഷിക്കാം. പ്രായപരിധി 2024 ഓഗസ്റ്റ് 1 ന് 18 നും 41 നും മദ്ധ്യേ. അപേക്ഷ സെപ്തംബര്‍ 6 മുതല്‍ 13 വരെ www.keralaagriculture.gov.in എന്ന പോര്‍ട്ടലിലൂടെ ഓണ്‍ലൈനായും, കൃഷിഭവന്‍/ കൃഷി അസി. ഡയറക്ടര്‍ ഓഫീസുകള്‍ വഴി ഓഫ്‌ലൈനായും അപേക്ഷിക്കാം. വിശദ വിവരങ്ങള്‍ക്കായി അതാത് കൃഷിഭവനുകളുമായി ബന്ധപ്പെടുക.
