ഇടുക്കി നെടുങ്കണ്ടത്ത് ഉരുൾപൊട്ടൽ; മുക്കാലേക്കറോളം സ്ഥലം ഒലിച്ചുപോയി
ഇടുക്കി: നെടുങ്കണ്ടം പച്ചടിയിൽ കൃഷിയിടത്തിൽ ഉരുൾപൊട്ടൽ. മുക്കാലേക്കറോളം സ്ഥലം ഒലിച്ചുപോയി. ആളപായമില്ല. ഇന്നലെ രാത്രിയിലാണ് സംഭവം. അതിർത്തി മേഖലയിൽ പെയ്ത ശക്തമായ മഴയിലാണ് ഉരുൾപൊട്ടൽ.
പച്ചടി സ്വദേശി വിനോദിൻ്റെ കൃഷിയിടത്തിലാണ് ഉരുൾപൊട്ടലുണ്ടായത്. കുരുമുളക് കൃഷിയടക്കം മുക്കാലേക്കറോളം സ്ഥലം ഒലിച്ചുപോയി. വില്ലേജ് ഓഫീസ് അധികൃതർ സ്ഥലത്ത് പരിശോധന നടത്തി മറ്റ് അപകടങ്ങളില്ലെന്ന് സ്ഥിരീകരിച്ചു. കൃഷിയിടത്തിൻ്റെ താഴ്ഭാഗത്ത് താമസിക്കുന്നവരെ മാറ്റിപ്പാർപ്പിക്കാൻ അധികൃതർ നിർദേശിച്ചു.
