മണ്ണാര്‍ക്കാട് ക്ലാസ് മുറിയില്‍ തെരുവുനായ ആക്രമണം; വിദ്യാര്‍ഥിനി ആശുപത്രിയില്‍
പാലക്കാട്: മണ്ണാര്‍ക്കാട് സ്‌കൂളിലെ ക്ലാസ് മുറിയില്‍ തെരുവുനായ ആക്രമണം. ആറാം ക്ലാസ് വിദ്യാര്‍ഥിനിക്ക് കടിയേറ്റു. കോട്ടോപാടത്തുള്ള കല്ലടി അബ്ദുഹാജി ഹയര്‍ സെക്കന്‍ഡറി സ്‌കൂളിലാണ് തെരുവുനായയുടെ ആക്രമണമുണ്ടായത്. ആറാം ക്ലാസ് വിദ്യാര്‍ഥിനി മെഹ്‌റയ്‌ക്കാണ് കടിയേറ്റത്. കുട്ടിയെ ജില്ലാ ആശുപത്രിയില്‍ പ്രവേശിപ്പിച്ചു. ക്ലാസ് നടക്കുമ്പോള്‍ ക്ലാസ് മുറിയില്‍ കയറിയ തെരുവുനായ കുട്ടിയെ കടിക്കുകയായിരുന്നു. കുട്ടിയെ ഉടന്‍ തന്നെ ചികിത്സയ്‌ക്കായി ജില്ലാ ആശുപത്രിയില്‍ പ്രവേശിപ്പിക്കുകയായിരുന്നു.
