മുഖാമുഖം- മീറ്റ് യുവര്‍ കലക്ടർ എന്ന പരിപാടി സംഘടിപ്പിച്ചു
തൃശ്ശൂർ: ജില്ലയിലെ വിവിധ സ്‌കൂള്‍/ കോളജുകളിലെ തിരഞ്ഞെടുത്ത വിദ്യാര്‍ഥികളുമായി സംവദിക്കാന്‍ ജില്ലാ കലക്ടര്‍ അര്‍ജുന്‍ പാണ്ഡ്യന്‍ നടത്തുന്ന ‘മുഖാമുഖം- മീറ്റ് യുവര്‍ കലക്ടര്‍’ പരിപാടിയില്‍ കണ്ണേറ്റുപാടം ജി.എച്ച്.എസ്.എസിലെ വിദ്യാര്‍ഥികളെത്തി. ഗതാഗത പ്രശ്‌നങ്ങള്‍, ബസ് സര്‍വീസുകളുടെ കുറവ് എന്നിവ വിദ്യാര്‍ഥികള്‍ ശ്രദ്ധയില്‍പ്പെടുത്തി. തങ്ങളുടെ ഇഷ്ടങ്ങളും കഴിവും അനുസരിച്ചുള്ള മേഖലകള്‍ തിരഞ്ഞെടുത്ത് ഭാവി സുനിശ്ചിതമാക്കാന്‍ കലക്ടര്‍ വിദ്യാര്‍ഥികളെ ഓര്‍മിപ്പിച്ചു. പ്രിന്‍സിപ്പാള്‍ പി.ജി ഷീല, അധ്യാപകരായ എ. ജാസ്മിന്‍, ടി.യു തസ്ലീമ എന്നിവര്‍ക്കൊപ്പം 30 വിദ്യാര്‍ഥികളാണ് കലക്ടറേറ്റിലെത്തിയത്.
