നാട്ടിക മികവ് – 2024 ഉദ്ഘാടനം ജില്ലാ കലക്ടർ അർജ്ജുൻ പാണ്ഡ്യൻ ഐ എ എസ് നിർവഹിച്ചു
നാട്ടിക ഏങ്ങണ്ടിയൂർ മത്സ്യത്തൊഴിലാളി വികസന ക്ഷേമ സഹകരണ സംഘം മികവ്-2024 സെപ്റ്റംബർ 29 ഞായറാഴ്ച വൈകീട്ട് 4 മണിക്ക് നാട്ടിക ബീച്ച് പോസ്റ്റോഫീസ് പരിസരത്ത് വെച്ച് സംഘം പ്രസിഡണ്ട് അഡ്വ: പി.ആർ.വാസു അദ്ധ്യക്ഷത വഹിച്ച ചടങ്ങിൽ ജില്ലാ കലക്ടർ അർജ്ജുൻ പാണ്ഡ്യൻ ഐ എ എസ് ഉദ്ഘാടനവും അനുമോദനവും നിർവഹിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി എം അഹമ്മദ് മുഖ്യാതിഥിയായി. പി എ സി എസ് അസോസിയേഷൻ മുൻ ജില്ലാ പ്രസിഡണ്ട് എം എ ഹാരിസ് ബാബു, നാട്ടിക ഗ്രാമ പഞ്ചായത്ത് പ്രസിഡണ്ട് എം ആർ ദിനേശൻ എന്നിവർ വിശിഷ്ടാതിഥികളായി. +2,SSLC പരീക്ഷകളിൽഎല്ലാ വിഷയത്തിലും A+ നേടിയവരെയും ഉന്നത വിജയം നേടിയ വരെയും 2023-24 സാമ്പത്തിക വർഷത്തിൽ ഏറ്റവും കൂടുതൽ മത്സ്യബന്ധനം നടത്തിയ വേദവ്യാസൻ വള്ളം, അമ്പാടി വള്ളം, കാവടിവള്ളം എന്നിവയിലെ തൊഴിലാളികളെയും ക്യാഷ് അവാർഡും ഉപഹാരങ്ങളും നൽകി ജില്ലാ കലക്ടർ അനുമോദിച്ചു. സംഘം ഭരണസമിതി അംഗങ്ങൾ, മത്സ്യത്തൊഴിലാളികൾ, രക്ഷിതാക്കൾ, പ്രദേശ വാസികൾ തുടങ്ങിയവർ ചടങ്ങിൽ പങ്കെടുത്തു. ചടങ്ങിന് ഭരണസമിതി അംഗം സൂരജ്. വി.എസ്സ് സ്വാഗതവും സെക്രട്ടറി ഇൻ ചാർജ്ജ് ഗ്രീഷ്മ പ്രദീപ് നന്ദിയും അറിയിച്ചു.
