സംസ്ഥാനത്തെ സ്‌കൂളുകൾ ഓണം അവധിയ്ക്കായി ഇന്ന് അടയ്ക്കും
ഓണം അവധിയ്ക്കായി സംസ്ഥാനത്തെ സ്‌കൂളുകൾ ഇന്ന് അടയ്ക്കും. പല സ്‌കൂളുകളിലും വിദ്യാഭ്യാസ സ്ഥാപനങ്ങളിലും ഇന്ന് ഓണാഘോഷ പരിപാടികൾ ആണ്. ഓണപ്പരീക്ഷകൾ കഴിഞ്ഞ ദിവസം പൂർത്തിയായിരുന്നു. സ്‌കൂളുകൾക്ക് പുറമേ മറ്റ് എല്ലാ സ്ഥാപനങ്ങളിലും ഇന്ന് ഓണാഘോഷ പരിപാടികൾ നടക്കും. വയനാട് ദുരന്തത്തിന്റെ പശ്ചാത്തലത്തിൽ സംസ്ഥാന സർക്കാരിന്റെ ഓണാഘോഷ പരിപാടികൾ മാറ്റിവച്ചിരിക്കുകയാണ്. സെക്രട്ടേറിയേറ്റിലെ ഓണാഘോഷ പരിപാടികളും റദ്ദാക്കിയിട്ടുണ്ട്.
