കഴിമ്പ്രം വാഴപ്പുള്ളി ശ്രീ രാജരാജേശ്വരി ക്ഷേത്രമഹോത്സവം ജനുവരി 24 -ന്

കഴിമ്പ്രം വാഴപ്പുള്ളി ശ്രീ രാജരാജേശ്വരി ക്ഷേത്രമഹോത്സവം 24/01/24 ന് ബുധനാഴ്ച നടക്കും. രാവിലെ ശീവേലി വൈകീട്ട് എസ് എൻ പുരം തിലകൻ പ്രമാണിയായിട്ടുള്ള 101 മേളകലാകാരന്മാർ, 7 ആനകളും അണിനിരക്കുന്ന പാണ്ടിമേളം തുടർന്ന് വർണ്ണമഴ, അന്നദാനം, ശ്രീ രാജരാജേശ്വരി എൻഡോവ്മെന്റ് വിതരണം, കോഴിക്കോട് രംഗഭാഷയുടെ “മൂക്കുത്തി” എന്ന നാടകം തുടർന്ന് പള്ളിവേട്ട എന്നിവ നടക്കും. രാവിലെ പള്ളിയുണർത്തൽ, ക്ഷേത്രക്കുളത്തിൽ ആറാട്ട്, ആറാട്ട്കഞ്ഞി വിതരണം, കൊടിയിറക്കൽ ചടങ്ങുകളോടെ ക്ഷേത്രമഹോത്സവം സമാപിക്കും. 18/01/24 ന് വൈകീട്ട് ദീപാരാധനയ്ക്ക് ശേഷം ക്ഷേത്രം തന്ത്രി മുല്ലങ്ങത്ത് നന്ദകുമാർ ശാന്തി കൊടിയേറ്റം നടത്തി. തുടർന്ന് അന്നദാനവുമുണ്ടായി. കൊച്ചിൻ മാജിക് വോയ്‌സിന്റെ ഗാനമേളയും രാത്രി 12 മണിക്ക് വിമാനഗന്ധർവ്വപൂജയും നടത്തി. പരിപാടികൾക്ക് ക്ഷേത്രസമിതി ഭാരവാഹികൾ നേതൃത്വം നൽകി.