വനിതാ കമ്മീഷന്‍ അദാലത്ത് നടത്തി
കേരള വനിതാ കമ്മീഷന്‍ ചെയര്‍പേഴ്‌സണ്‍ പി. സതീദേവിയുടെ അധ്യക്ഷതയില്‍ തൃശ്ശൂര്‍ ടൗണ്‍ ഹാളില്‍ നടത്തിയ അദാലത്തില്‍ 70 പരാതികള്‍ പരിഗണിച്ചു. 28 പരാതികള്‍ തീര്‍പ്പാക്കി. 38 പരാതികള്‍ അടുത്ത അദാലത്തില്‍ പരിഗണിക്കുന്നതിനായി മാറ്റിവെച്ചു. 4 പരാതികളില്‍ കമ്മീഷന്‍ പോലീസിനോട് റിപ്പോര്‍ട്ട് ആവശ്യപ്പെട്ടു. പുതിയതായി 3 പരാതികള്‍ സ്വീകരിച്ചു. വനിതാ കമ്മീഷന്‍ അംഗം അഡ്വ. ഇന്ദിര രവീന്ദ്രന്‍, അഡ്വ. സജിത, അഡ്വ. ബിന്ദു മേനോന്‍, കൗണ്‍സിലര്‍ മാല രമണന്‍ എന്നിവര്‍ പങ്കെടുത്തു.
