അധ്യാപകര്‍ക്ക് എ.ഐ പരിശീലനം
പൊതുവിദ്യാലയങ്ങളിലെ ഹൈസ്‌കൂള്‍, ഹയര്‍സെക്കണ്ടറി അധ്യാപകര്‍ക്കായി കൈറ്റിന്റെ നേതൃത്വത്തില്‍ നടത്തുന്ന ആര്‍ട്ടിഫിഷല്‍ ഇന്റലിജന്‍സ് അടിസ്ഥാനമാക്കിയുള്ള പരിശീലനം കൂടുതല്‍ കേന്ദ്രങ്ങളില്‍ നടത്തും. ജില്ലയില്‍ ഇതുവരെ 662 അധ്യാപകര്‍ക്ക് പരിശീലനം നല്‍കി. തുടര്‍ന്നുള്ള ബാച്ചുകള്‍ മെയ് 20-22, 23-25, 27-29 തീയതികളില്‍ കൈറ്റ് ജില്ലാ ഓഫീസ് തൃശൂര്‍, ഗവ. ഗേള്‍സ് വി എച്ച് എസ് സി ഇരിഞ്ഞാലക്കുട, ഗവ. ഗേള്‍സ് എച്ച് എസ് എസ് കൊടകര, ജി വി എച്ച് എസ് എസ് വലപ്പാട്, ലിറ്റില്‍ ഫ്‌ളവര്‍ ഗേള്‍സ് എച്ച് എസ് എസ് മമ്മിയൂര്‍ (ഗുരുവായൂര്‍) എന്നീ കേന്ദ്രങ്ങളില്‍ ക്രമീകരിച്ചിട്ടുണ്ട്. ഈ കേന്ദ്രങ്ങളിലേക്ക് വിദ്യാലയങ്ങളില്‍ നിന്ന് സ്‌കൂള്‍ മേധാവികള്‍ക്ക് അധ്യാപകരെ ട്രെയിനിംഗ് മാനേജമെന്റ് സിസ്റ്റം വഴി നേരിട്ട് രജിസ്റ്റര്‍ ചെയ്യാനുള്ള സൗകര്യം ഒരുക്കിയിട്ടുണ്ട്. എല്ലാ സ്‌കൂള്‍ മേധാവികളും പരിശീലനം ഇനിയും നേടാനുള്ള അധ്യാപകരെ രജിസ്റ്റര്‍ ചെയ്യണം.
