പാറളം പഞ്ചായത്തിലെ 65-ാം നമ്പർ അങ്കണവാടി ഉദ്ഘാടനം ചെയ്തു

പാറളം പഞ്ചായത്തിലെ 65-ാം നമ്പർ കസ്തൂർബാ അങ്കണവാടി സി സി മുകുന്ദൻ എം.എൽ.എ നാടിന് സമർപ്പിച്ചു. എം.എൽ.എ ആസ്തി വികസന ഫണ്ടിൽ നിന്ന് 25 ലക്ഷം രൂപ ചെലവഴിച്ചാണ് അംഗനവാടിയുടെ നിർമ്മാണം പൂർത്തീകരിച്ചത്. പാറളം ഗ്രാമപഞ്ചായത്ത് പ്രസിഡന്റ് മിനി വിനയൻ അധ്യക്ഷത വഹിച്ചു.

ചേർപ്പ് ബ്ലോക്ക് പഞ്ചായത്ത് പ്രസിഡന്റ് എ കെ രാധാകൃഷ്ണൻ മാസ്റ്റർ, ജില്ലാ പഞ്ചായത്ത് മെമ്പർ ഷീന പറയങ്ങാട്ടിൽ, പാറളം ഗ്രാമപഞ്ചായത്ത് വൈസ് പ്രസിഡന്റ് ആശാ മാത്യു, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ വിദ്യാനന്ദനൻ, വികസനകാര്യ സ്റ്റാൻഡിങ് കമ്മിറ്റി ചെയർമാൻ ജെയിംസ് പി പോൾ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ പ്രമോദ്, വാർഡ് മെമ്പർമാരായ ജൂബി മാത്യു, പി കെ ലിജീവ്, സിബി സുരേഷ്, സ്മിനു മുകേഷ്, സുബിത സുഭാഷ്, പൊതുമരാമത്ത് വകുപ്പ് എ ഇ ഷാലിനിത, ഐ സി ഡി എസ് സൂപ്പർവൈസർ സൂര്യ മോൾ ടി എസ് എന്നിവർ സംസാരിച്ചു.