ക്രൈസ്റ്റ് കോളേജ് – പൂതംകുളം ജംഗ്‌ഷൻ റോഡ്ഡിസംബർ 10ന് തുറക്കും: മന്ത്രി ഡോ. ബിന്ദു
ദേശീയപാതയിലെ നിർമ്മാണ പ്രവൃത്തികൾക്കായി അടച്ച ക്രൈസ്റ്റ് കോളേജ് ജംഗ്‌ഷൻ മുതൽ പൂതംകുളം ജംഗ്‌ഷൻ വരെയുള്ള റോഡുഭാഗം ഡിസംബർ 10 മുതൽ വീണ്ടും ഗതാഗതത്തിന് തുറന്നുകൊടുക്കുമെന്ന് മന്ത്രി ഡോ. ആർ ബിന്ദു അറിയിച്ചു. ഷൊർണൂർ-കൊടുങ്ങല്ലൂർ ദേശീയപാതയിലെ പ്രവൃത്തികൾക്കായാണ് റോഡ് അടച്ചിരുന്നത്. കെ എസ്‌ ടി പിയുടെ കോൺക്രീറ്റ് റോഡ് നിർമ്മാണം പൂർത്തിയായ സാഹചര്യത്തിൽ റോഡിന്റെ ഭാഗം വീണ്ടും ഗതാഗതത്തിന് തുറന്നുകൊടുക്കുന്നത് – മന്ത്രി ഡോ. ബിന്ദു പറഞ്ഞു. അടുത്ത ഘട്ടമായി ക്രൈസ്റ്റ് കോളേജ് ജംഗ്‌ഷൻ മുതൽ മാപ്രാണം വരെ പുരോഗമിക്കുന്ന പ്രവൃത്തികൾ പൂർത്തീകരിക്കുമെന്ന് മന്ത്രി ബിന്ദു അറിയിച്ചു. നിലവിലെ ഗതാഗതനിയന്ത്രണത്തിന് തുടർന്ന് മാറ്റം വരും – മന്ത്രി പറഞ്ഞു.
