മഹാത്മാ പുരസ്കാരം സി പി സാലിഹിന് സമ്മാനിച്ചു
എടമുട്ടം : ജീവകാരുണ്യ പ്രവർത്തനങ്ങൾക്ക് എടമുട്ടം സർവ്വീസ് സഹകരണ ബാങ്ക് നൽകുന്ന മഹാത്മാ പുരസ്കാരം പ്രമുഖ വ്യവസായിയും സി പി മുഹമ്മദ് മെമ്മോറിയൽ ചാരിറ്റബിൾ ട്രസ്റ്റ് ചെയർമാനും ആയ സി പി സാലിഹിന് സമ്മാനിച്ചു. എടമുട്ടം സർവ്വീസ് സഹകരണ ബാങ്കിന്റെ പ്രഥമ മഹാത്മാ പുരസ്കാരമാണ് സി പി സാലിഹ് ഏറ്റുവാങ്ങിയത്. ബാങ്ക് പ്രസിഡണ്ട് ശോഭ സുബിൻ, ബോർഡ് അംഗങ്ങൾ എന്നിവർ ചേർന്ന് പുരസ്കാരം കൈമാറി. എടമുട്ടം സർവ്വീസ് സഹകരണ ബാങ്കിൻ്റെ വാർഷിക പൊതുയോഗത്തിൽ ആണ് മഹാത്മാ പുരസ്കാരം സമ്മാനിച്ചത്.
ഉറവ വറ്റാത്ത ജീവകാരുണ്യപ്രവർത്തനങ്ങളുടെ മഹാപ്രവാഹമാണ് സി പി സാലിഹ് എന്ന് ശോഭ സുബിൻ പറഞ്ഞു.
വാർഷിക പൊതുയോഗം സി പി മുഹമ്മദ് മെമ്മോറിയൽ ട്രസ്റ്റ് ചെയർമാൻ സി പി സാലിഹ് ഉദ്ഘാടനം ചെയ്തു. ബാങ്ക് പ്രസിഡണ്ട്
ശോഭ സുബിൻ അധ്യക്ഷത വഹിച്ചു. സെക്രട്ടറി സുദിന കെഡി വാർഷിക റിപ്പോർട്ട് അവതരിപ്പിച്ചു. ബാങ്ക് വൈസ് പ്രസിഡണ്ട് കരിം പോക്കാകില്ലത്ത്, അജ്മൽ ഷെരീഫ്, രാഗേഷ് യു ആർ, രവി ഉട്ടോപ്യ, ഷാജു കാരയിൽ തെക്കോട്ട്, അമ്പിളി പ്രവീൺ, ലിഷ പ്രദീപ്, ശരത്ത് ഹരിദാസ്, ശ്രീകല അരുൺ എന്നിവർ സംസാരിച്ചു. ഷൈജു പുരുഷോത്തമൻ, രേഖ, ഷംന ബൈജു, അനഘ ലിഖിൽ, ഹൃദ്യ ജിതേഷ്, ജിഷ ഷഫീക്ക് ‘വൈശാഖ സുമേഷ് എന്നിവർ ഏകോപനം നിർവ്വഹിച്ചു.
