ധീവരസഭ ഏങ്ങണ്ടിയൂർ കരയോഗം അവാർഡ് ദാന ചടങ്ങ് സംഘടിപ്പിച്ചു
ഏങ്ങണ്ടിയൂർ: ധീവരസഭ ഏങ്ങണ്ടിയൂർ കരയോഗത്തിന്റെ അവാർഡ് ദാന ചടങ്ങ് പി.പി.ശിവദാസ് ( ഡപ്യൂട്ടി തഹസിൽദാർ, തൃശൂർ ) നിർവഹിച്ചു. പുതുതലമുറ മൂല്യച്യുതി വരുത്താതെ നല്ല രീതിയിൽ പ്രവർത്തിച്ച്‌ സമുദായത്തിന്റെ ഉന്നമനത്തിനു വേണ്ടി രംഗത്തിറങ്ങണമെന്ന് പി.പി.ശിവദാസ് പറഞ്ഞു. കരയോഗം പ്രസിഡണ്ട് ഒ.എസ്. ഷണ്മുഖൻ അദ്ധ്യക്ഷത വഹിച്ചു. ഒന്നാം ക്ലാസു മുതൽ ഡിഗ്രി തലം വരെയുള്ള ഉന്നത വിജയം നേടിയ വിദ്യാർത്ഥികൾക്ക് അവാർഡ് നല്കുകയും, ഉന്നത രീതിയിൽ പഠനം പൂർത്തിയാക്കിയ സമുദായാംഗങ്ങളെ ആദരിക്കുകയും ചെയ്തു.
ധീവരസഭ സംസ്ഥാന സെക്രട്ടറി പി.വി. ജനാർദ്ദനൻ, താലുക്ക് പ്രസിഡണ്ട് യു.ബി. മണികണ്ഠൻ, ഗ്രാമ പഞ്ചായത്ത് അംഗങ്ങളായ ബി.കെ.സുദർശനൻ, അനിത മുരുകേശൻ, ഉഷ സുകുമാരൻ, എന്നിവരും എ.വി. മോഹൻദാസ്, യു.എം. സുബ്രഹ്മണ്യൻ എന്നിവർ ആശംസകൾ നേർന്നു. പി.എം. വിദ്യാസാഗർ സ്വാഗതവും സി.എസ്. ചന്ദ്രശേഖരൻ നന്ദിയും പറഞ്ഞു.
