കരട് വോട്ടര്‍ പട്ടിക പ്രസിദ്ധീകരിച്ചു
പ്രത്യേക സംക്ഷിപ്ത വോട്ടര്‍ പട്ടിക പുതുക്കല്‍ യജ്ഞം 2025 ന്റെ ഭാഗമായി ജില്ലയിലെ ചേലക്കര ഒഴികെയുളള 12 നിയമസഭാ മണ്ഡലങ്ങളിലെ 01-01-2025 യോഗ്യത തീയതിയായ കരട് വോട്ടര്‍ പട്ടിക പ്രസിദ്ധീകരിച്ചു. ഒല്ലൂര്‍ നിയോജകമണ്ഡലത്തിലെ 151-ാം നമ്പര്‍ ബൂത്തിലെ ബൂത്ത് ലെവല്‍ ഓഫീസര്‍ വിന്‍സെന്റ് എ ഡി യ്ക്ക് വോട്ടര്‍ പട്ടിക കൈമാറി കൊണ്ട് ജില്ലാതല പ്രസിദ്ധീകരണം ജില്ലാ കലക്ടര്‍ അര്‍ജുന്‍ പാണ്ഡ്യന്‍ നിര്‍വഹിച്ചു. ഇലക്ഷന്‍ ഡെപ്യൂട്ടി കലക്ടര്‍ ബാലസുബ്രഹ്‌മണ്യം എന്‍. ഒല്ലൂര്‍ നിയോജകമണ്ഡലം ഇലക്ടറല്‍ രജിസ്‌ട്രേഷന്‍ ഓഫീസര്‍ ജ്യോതി. എം. സി, അസിസ്റ്റന്റ് ഇലക്ടറല്‍ രജിസ്‌ട്രേഷന്‍ ഓഫീസര്‍ ജയശ്രീ. ടി, തൃശ്ശൂര്‍ താലൂക്ക് ഇലക്ഷന്‍ ഡെപ്യൂട്ടി തഹസില്‍ദാര്‍ ഷാജു പി ഡി എന്നിവര്‍ പങ്കെടുത്തു. എല്ലാ അംഗീകൃത രാഷ്ട്രീയ പാര്‍ട്ടികള്‍ക്കും കരട് വോട്ടര്‍ പട്ടികയുടെ പകര്‍പ്പ് ബന്ധപ്പെട്ട താലൂക്ക് ഇലക്ഷന്‍ വിഭാഗങ്ങളില്‍ നിന്നും കൈപ്പറ്റാവുന്നതാണ്. 2024 നവംബര്‍ 28 വരെ കരട് പട്ടികയിന്മേലുളള ആക്ഷേപങ്ങളും അവകാശങ്ങളും ഉന്നയിക്കാം. ആക്ഷേപങ്ങളിലും അവകാശങ്ങളിലും പരിശോധന പൂര്‍ത്തിയാക്കി 06-01-2025 ന് അന്തിമ വോട്ടര്‍ പട്ടിക പ്രസിദ്ധീകരിക്കും.
