ഡി വൈ എഫ് ഐ യുടെ റീബിൽഡ് വയനാടിന് സഹായവുമായി കൊച്ചു കരങ്ങൾ

വലപ്പാട്: കുടുക്കയിൽ സ്വരൂപിച്ച പന്ത്രണ്ടായിരത്തിലധികം രൂപ ഡി വൈ എഫ് ഐ യുടെ റീബിൽഡ് വയനാടിനായ് സമ്മാനിച്ച് കൊച്ചു സഹോദരങ്ങൾ. ബിജു പുളിക്കൻ ശ്രീതി ബിജു എന്നിവരുടെ മക്കളായ ദക്ഷബിജു അഭിനിബിജു എന്നിവരാണ് തങ്ങളുടെ കുടുക്കയിലൂടെ ശേഖരിച്ച 12161രൂപ വയനാടിൽ ദുരന്തബാധിതർക്ക് വീട് നിർമ്മിച്ചു നൽകുന്ന ഡി വൈ എഫ് ഐ യുടെ പദ്ധതിയായ റീബിൽഡ് വയനാടിലേക്ക് നൽകിയത്. ഡി വൈ എഫ് ഐ ബ്ലോക്ക് സെക്രട്ടറി കെ എച്ച് സുൽത്താൻ, വലപ്പാട് പഞ്ചായത്ത് പ്രസിഡന്റ് ഷിനിത അഷിക്ക് എന്നിവർ തുക ഏറ്റുവാങ്ങി. പി എസ് ഷജിത്ത്, പ്രില്ല സുധി, പി എസ് നിമോദ്, കെ വി രാജൻ, സി ഡിനിധീഷ്, അക്ഷയ് എന്നിവർ പങ്കെടുത്തു.