ഏറൻ സമാജം ശ്രീ ഭദ്രകാളി ക്ഷേത്രത്തിൽ പുനഃപ്രതിഷ്ഠ മഹോത്സവം

തൃപ്രയാർ: തൃപ്രയാർ ബീച്ച് ഏറൻ സമാജം ശ്രീ ഭദ്രകാളി ക്ഷേത്രത്തിൽ പുനഃപ്രതിഷ്ഠ മഹോത്സവം ആഘോഷിച്ചു. രാവിലെ മഹാഗണപതി ഹവനം, അധിവാസം വിടർത്തി പൂജ, പ്രാസാദപ്രതിഷ്ഠ, പീഠ പ്രതിഷ്ഠ, കലശപൂജ, കലശാഭിഷേകം, പുനഃപ്രതിഷ്ഠ ചടങ്ങ്‌, ഉച്ചപൂജ, ആചാര്യ ദക്ഷിണ, ഉച്ചക്ക് അമൃതഭോജനം, വൈകീട്ട് ദീപാരാധന, നിറമാല, ചുറ്റുവിളക്ക്, തുടർന്ന് ഏറൻസമാജം മാതൃസമിതിയുടെ തിരുവാതിരക്കളി, പെരിഞ്ഞനം ആലിങ്ങലമ്മ ടീമിന്റെ തിരുവാതിരക്കളി എന്നിവ നടന്നു. ക്ഷേത്രം തന്ത്രി ഡോ. കാരുമാത്ര വിജയൻ തന്ത്രി മുഖ്യകാർമ്മികത്വം വഹിച്ചു.
ചെറുശ്ശേരി വിവേകാനന്ദ ആശ്രമം സ്വാമി പുരുഷോത്തമനന്ദ സരസ്വതി, ക്ഷേത്രം മേൽശാന്തി സുനിൽശാന്തി എന്നിവർ സഹകാർമ്മികരായി.
ക്ഷേത്രം രക്ഷാധികാരി കെ.എ വാസു, ക്ഷേത്രം ഭരണ സമിതി പ്രസിഡൻ്റ് കെ.എസ് വിജയകുമാർ, ജനറൽ സെക്രട്ടറി പി.എം മനോജ്, വൈസ് പ്രസിഡന്റ് കെ.ആർ ഷാജി, ജോയിന്റ് സെക്രട്ടറി ഇ.എസ് തിലകൻ, മീരാ ആനന്ദൻ, നിർമ്മാണ കമ്മറ്റി പ്രസിഡന്റ് കെ.ആർ ശോഭനൻ, സെക്രട്ടറി പി.കെ ദാസൻ, ജോയിന്റ് സെക്രട്ടറി കെ.വി രഘുനാഥൻ, ട്രഷറർ ഭാരതി വേലായുധൻ, വൈസ് പ്രസിഡന്റ് കാർത്തികേയൻ പി.കെ എന്നിവർ ചടങ്ങുകൾക്ക് നേതൃത്വം നൽകി.