തിരുച്ചിരപ്പള്ളി എൻ.ഐ.ടി.യിൽ നിന്നും ഫിസിക്സിൽ ഡോക്ടറേറ്റ് നേടിയ ഡോ:രമ്യയെ ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ:ആർ.ബിന്ദു വസതിയിൽ എത്തി ആദരിച്ചു.
ഇരിങ്ങാലക്കുട കാറളം വെള്ളാനി സ്വദേശിനി ഊരാളത്ത് ധനവർധനൻ,രതി ദമ്പതികളുടെ മകളാണ് യു.ഡി.രമ്യ. ഇരിങ്ങാലക്കുട ക്രൈസ്റ്റ് കോളേജിൽനിന്ന് എം.എസ്.സി ഫിസിക്സിൽ (കാലിക്കറ്റ്‌ യൂണിവേഴ്സിറ്റി) അഞ്ചാം റാങ്ക് കരസ്ഥമാക്കിയ രമ്യ ഇപ്പോൾ തിരുച്ചിരപ്പള്ളി എൻ.ഐ.ടി യിൽ നിന്ന് ഫിസിക്സിൽ പി.എച്ച്.ഡി നേടിയിരിക്കുകയാണ്. നിലവിൽ കല്പകം ഇന്ദിരഗാന്ധി ആറ്റോമിക് റിസർച്ച് സെന്ററിൽ റിസർച്ച് അസോസിയേറ്റ് ആയി ജോലി ചെയ്യുകയാണ്.രമ്യയെ മന്ത്രി ഡോ:ആർ.ബിന്ദു അഭിനന്ദിച്ചു. വാർഡ് മെമ്പർ ജ്യോതി പ്രകാശ്, ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ സുനിത മനോജ്,മുൻ പഞ്ചായത്ത് പ്രസിഡണ്ടും ലോക്കൽ കമ്മിറ്റി അംഗവുമായിരുന്ന ഹരിദാസ് പട്ടത്ത്, വെസ്റ്റ് ബ്രാഞ്ച് സെക്രട്ടറി ദീപക്, മുൻ ജില്ലാ പഞ്ചായത്ത് വൈസ് പ്രസിഡണ്ട് ഉദയ പ്രകാശ് തുടങ്ങിയവർ സന്നിഹിതരായിരുന്നു.
