സ്പോർട്സ് കൗൺസിലിന്റെ ആഭിമുഖ്യത്തിൽ കരാത്തെ ക്യാമ്പിന് തുടക്കമായി

തൃശ്ശൂർ ജില്ലാ സ്പോർട്സ് കൗൺസിലിന്റെ ആഭിമുഖ്യത്തിൽ TSGA കരാത്തെ അക്കാദമിയും കരാത്തെ ദൊ ഗോജുക്കാൻ അസോസിയേഷനും സംയുക്തമായി നടത്തുന്ന വേനൽ അവധി കരാത്തെ ക്യാമ്പിന് 2024 മെയ് 4 ശനിയാഴ്ച തൃപ്രയാറിൽ തുടക്കമായി. തൃശ്ശൂർ ജില്ലാ സ്പോർട്സ് കൗൺസിൽ പ്രസിഡണ്ട് കെ.ആർ.സാംബശിവൻ ക്യാമ്പ് ഉദ്ഘാടനം ചെയ്തു. TSGA ജനറൽ സെക്രട്ടറി സി.ജി.അജിത്കുമാറിന്റെ അധ്യക്ഷതയിൽ ചേർന്ന യോഗത്തിൽ ഗോജുക്കാൻ കേരള പ്രസിഡണ്ട് സെൻസായ്.സൂരജ് കെ.എസ്.സ്വാഗതവും ഗോജുക്കാൻ ഇന്ത്യ പ്രസിഡണ്ട് ക്യോഷി മധു വിശ്വനാഥ് മുഖ്യപ്രഭാഷണവും നടത്തി. പ്രായഭേദമെന്യേ എല്ലാവർക്കും ട്രഡീഷണൽ & സ്പോർട്സ് കരാത്തെ, സ്വയം പ്രതിരോധ പരിശീലനം എന്നിവ ക്യാമ്പിൽ നൽകുമെന്ന് ചീഫ് ഇൻസ്ട്രക്ടർ മധു വിശ്വനാഥ് അറിയിച്ചു. മെയ് 4 മുതൽ 24 വരെ 20 ദിവസമാണ് ക്യാമ്പ്. TSGA ട്രഷറർ .ദില്ലി രത്നം, ഗോജുക്കാൻ ഇന്ത്യ വൈസ് പ്രസിഡണ്ട് സെൻസായ്.സുനിൽ. വി.എസ്, ഗോജുക്കാൻ ഇന്ത്യ എക്സിക്യൂട്ടീവ് ഡയറക്ടർ സെൻസായ് രാജീവ് കെ.എസ് എന്നിവർ ആശംസകൾ അറിയിച്ചു. മെയ് 9 മുതൽ 12 വരെ ഡെറാഡൂണിൽ വെച്ച് നടക്കുന്ന കരാത്തെ ഇന്ത്യ ഓർഗനൈസേഷൻ നാഷണൽ ചാമ്പ്യൻഷിപ്പിൽ കേരളത്തെ പ്രതിനിധീകരിച്ച് പങ്കെടുക്കുന്ന കരാത്തെ ദൊ ഗോജുക്കാൻ ഇന്ത്യയുടെ വിദ്യാർത്ഥികളായ സാന്ദ്ര,ശബരിനാഥ്,നയന,അർമാൻ എന്നിവർക്കുള്ള ആദരവും യാത്രയയപ്പും ചടങ്ങിൽ നടത്തി. സെൻസായ് സാന്ദ്ര .ഇ.ബി നന്ദി രേഖപ്പെടുത്തി.