‘കേരള റവന്യു ഡിപ്പാർട്ട്മെന്റ് സ്റ്റാഫ് അസോസിയേഷൻ’; ചാവക്കാട് താലൂക്കിന് പുതിയ സാരഥികൾ
കേരള റവന്യു ഡിപ്പാർട്ട്മെന്റ് സ്റ്റാഫ് അസോസിയേഷൻ ചാവക്കാട് താലൂക്ക് സമ്മേളനം ചാവക്കാട് മുൻസിപ്പൽ ഹാളിൽ സംഘടിപ്പിച്ചു. താലൂക്ക് പ്രസിഡണ്ട് ലിൻറ.പി.പി യുടെ അധ്യക്ഷതയിൽ നടന്ന യോഗം കെ.ആർ.ഡി.എസ്.എ സംസ്ഥാന സെക്രട്ടറിയേറ്റ് അംഗം ബെന്നിമോൻ എം.ജെ. ഉദ്ഘാടനം ചെയ്തു. ജില്ലാ സെക്രട്ടറി നൗഷാദ്.എ.എം സംഘടനാ റിപ്പോർട്ട് അവതരിപ്പിച്ചു. ജോയിന്റ് കൗൺസിൽ ജില്ലാ വൈസ് പ്രസിഡണ്ട് ഷാജി എം.കെ. ജില്ലാ വൈസ് പ്രസിഡന്റ് രമേഷ് കെ.എം. എന്നിവർ അഭിവാദ്യങ്ങൾ അർപ്പിച്ച് സംസാരിച്ചു. താലൂക്ക് സെക്രട്ടറി പ്രകാശൻ കെ. പ്രവർത്തന റിപ്പോർട്ട് അവതരിപ്പിച്ചു, താലൂക്ക് ട്രഷറർ പ്രവിത എം.ആർ. വരവ് ചിലവ് കണക്കുകൾ അവതരിപ്പിച്ചു. ജില്ലാ സെക്രട്ടറി നൗഷാദ് എ.എം. വരണാധികാരിയായി നടന്ന തിരഞ്ഞെടുപ്പിൽ ചാവക്കാട് താലൂക്ക് സെക്രട്ടറിയായി പ്രകാശൻ കെ, പ്രസിഡന്റ് ആയി വിജു പി.എസ് , ട്രഷറർ ആയി പ്രവിത എം.ആർ. എന്നിവർ തിരഞ്ഞെടുക്കപ്പെട്ടു.
