കേരള വാട്ടര്‍ അതോറിറ്റി; റവന്യൂ അദാലത്ത്
കേരള വാട്ടര്‍ അതോറിറ്റി തൃശ്ശൂര്‍ ഡിവിഷന്റെ കീഴിലുള്ള അരണാട്ടുകര, പുല്ലഴി, ചെമ്പുക്കാവ്, ചിയ്യാരം, കണിമംഗലം, കൂര്‍ക്കഞ്ചേരി, പെരിങ്ങാവ്, തൃശ്ശൂര്‍ വില്ലേജുകളിലെ (ടൗണ്‍ ഫിര്‍ക്ക) വാട്ടര്‍ അതോറിറ്റി കുടിശ്ശികയുള്ള റെവന്യൂ റിക്കവറി ഗുണഭോക്താക്കള്‍ക്കായി തൃശ്ശൂര്‍ ചെമ്പുക്കാവിലുള്ള ഡിവിഷന്‍ ഓഫീസില്‍ വെച്ച് ഒക്ടോബര്‍ 9 ന് അദാലത്ത് നടത്തിയിരുന്നു. അദാലത്തില്‍ എത്തിച്ചേരാന്‍ കഴിയാത്തവര്‍ക്ക് വരും ദിവസങ്ങളില്‍ തൃശ്ശൂര്‍ ചെമ്പുക്കാവിലുള്ള വാട്ടര്‍ അതോറിറ്റി ഡിവിഷന്‍ ഓഫീസിലെ അദാലത്തില്‍ പങ്കെടുക്കാവുന്നതാണെന്ന് അസി. എക്‌സിക്യുട്ടീവ് എഞ്ചിനീയര്‍ അറിയിച്ചു. ഒക്ടോബര്‍ 16 ന് റൂറല്‍ ഫിര്‍ക്കയിലുള്ളവര്‍ക്കും 23 ന് അന്തിക്കാട്, ചിറ്റലപ്പിള്ളി, ഊരകം ഫിര്‍ക്കയിലുള്ളവര്‍ക്കു വേണ്ടിയും അദാലത്ത് നടക്കും.
