കോതകുളം ബീച്ച് ‘സ്നേഹാരാമം ബീച്ച് ഫെസ്റ്റ് 2024’ ഡിസംബർ 21 മുതൽ 25 വരെ

തൃപ്രയാർ : വലപ്പാട് കോതകുളം ബീച്ചിൽ 21 മുതൽ 25 വരെ ‘സ്നേഹാരാമം ബീച്ച് ഫെസ്റ്റ് 2024’ സംഘടിപ്പിക്കുമെന്ന് സി.സി. മുകുന്ദൻ എം.എൽ.എ അറിയിച്ചു. 21-ന് വൈകുന്നേരം നാല് മണിക്ക് ആരംഭിക്കുന്ന ഘോഷയാത്രക്കു ശേഷം നടക്കുന്ന സാംസ്‌കാരിക സമ്മേളനത്തിൽ മന്ത്രി കെ. രാജൻ ഫെസ്റ്റിവൽ ഉദ്ഘാടനം ചെയ്യും. സി.സി. മുകുന്ദൻ എം.എൽ എ അധ്യക്ഷത വഹിക്കുന്ന ചടങ്ങിൽ ജനപ്രതിനിധികൾ രാഷ്ട്രിയ കക്ഷി നേതാക്കൾ, സി.പി. സാലിഹ്, ഷൈൻ തട്ടപറമ്പിൽ, ഡോ. പി.ആർ. സിദ്ധാർത്ഥ ശങ്കർ എന്നിവർ പങ്കെടുക്കും. തുടർന്നുള്ള ദിവസങ്ങളിൽ നേത്രപരിശോധന ക്യാമ്പ്, ആയുർവേദ മെഡിക്കൽ ക്യാമ്പ്, കവിയരങ്ങ്, സാംസ്കാരിക സമ്മേളനം, കലാപരിപാടികൾ, കുടുംബശ്രീയുടെ നേതൃത്വത്തിൽ സ്റ്റാൾ, കുടുംബശ്രീ ജില്ല മിഷൻറെ നേതൃത്വത്തിൽ ലിംഗാധിഷ്ഠിത അതിക്രമങ്ങൾക്കെതിരെയുള്ള രംഗം അവതരിപ്പിക്കുന്ന നൃത്താവിഷ്ക്കാരം, ഫാഷൻ ഷോ എന്നിവ നടക്കും. 25-ന് വൈകുന്നേരം അഞ്ചിന് സമാപന സമ്മേളനം വി.പി. നന്ദകുമാർ ഉദ്ഘാടനം ചെയ്യും. 31-വരെ മെഗാ കാർണിവലും പെറ്റ് ഷോ, അക്വാട്ടിക് ഷോ, ഫളവേഴ്സ് ഷോ , ഫുഡ് ഫെസ്റ്റ് എന്നിവയും ഉണ്ടാകും. വാർത്ത സമ്മേളനത്തിൽ മല്ലിക ദേവൻ, പി.ആർ.ബാബു, ആർ.എം. മനാഫ്, വൈശാഖ് വേണു ഗോപാൽ എന്നിവർ പങ്കെടുത്തു.