ക്ഷീരസ്മിതം ലോഗോ പ്രകാശനം ചെയ്തു

തൃശൂർ ജില്ലാ ക്ഷീരസംഗമം 2024-25 ൻ്റെ ലോഗോ ‘ക്ഷീരസ്മിതം’ പ്രകാശനം ശ്രീനാരായണപുരം ക്ഷീരസംഘം ഹാളിൽ ഇ ടി ടൈസൺ മാസ്റ്റർ എം എൽഎ നിർവഹിച്ചു.

ബ്ലോക്ക് പ്രസിഡണ്ട് സി.കെ. ഗിരിജ അധ്യക്ഷത വഹിച്ച യോഗത്തിൽ ശ്രീനാരായണപുരം ഗ്രാമപഞ്ചായത്ത് പ്രസിഡണ്ട് എം എസ് മോഹനൻ, ക്ഷീരവികസന വകുപ്പ് ജില്ലാ ഡെപ്യൂട്ടി ഡയറക്ടർ വീണ എൻ, വിവിധ തദ്ദേശ സ്വയംഭരണസ്ഥാപനങ്ങളുടെ ജനപ്രതിനിധികളായ സജിത പ്രദീപ്, ഷീജ ബാബു, വത്സമ്മ ടീച്ചർ, ജയ സുനിൽ രാജ്, ശോഭന ശാർഗങ്ധരൻ എന്നിവരും ക്ഷീരസംഘം പ്രസിഡൻറ് സജീവൻ എം.വി, ജില്ല ക്ഷീരവികസന വകുപ്പ് അസിസ്റ്റൻറ് ഡയറക്ടർ ശാലിനി സി, ഗുണ നിയന്ത്രണ ഓഫീസർ രാധിക പി എം, മതിലകം ക്ഷീര വികസന ഓഫീസർ മഞ്ജുഷ ടി വി തുടങ്ങിയവരും തൃശ്ശൂർ ജില്ലയിലെ വിവിധ ബ്ലോക്കുകളിലെ ക്ഷീര വികസന ഓഫീസർമാർ,ഡയറി ഫാം ഇൻസ്ട്രക്ടർമാർ എന്നിവരും പങ്കെടുത്തു.