തൃപ്രയാർ തേവരുടെ രാമൻകുളം ആറാട്ട് ചടങ്ങിന് മണ്ഡപം സമർപ്പിച്ചു
നാട്ടിക : നാട്ടിക ‘രാമൻകുളം നവീകരണ സമിതി’ നിർമിച്ച തൃപ്രയാർ തേവരുടെ ആറാട്ട് ചടങ്ങിനായുള്ള മണ്ഡപം നാട്ടിക ഗ്രാമപഞ്ചായത്ത് പ്രസിഡന്റ്‌ എം ആർ ദിനേശൻ സമർപ്പിച്ചു. ഭദ്രദീപം കൊളുത്തി തൃപ്രയാർ ക്ഷേത്രം മേൽശാന്തി രവി നമ്പൂതിരി മണ്ഡപം സ്വീകരണം നടത്തി .
മണ്ഡപസമർപ്പണ ചടങ്ങിൽ ആയിരകണക്കിന് പേരാണ് പങ്കെടുത്തത്. ഡോ. പി ആർ വിക്രംസിംഗിന്റെ ഓർമ്മക്കായി മക്കളാണ് മണ്ഡപം നിർമിച്ചു നൽകിയത് . ആറാട്ടിനോടനുബന്ധിച്ച് അയ്യായിരത്തിൽ പരം ആളുകൾക്ക് അന്നദാനവും നടന്നു. വിവിധ കലാപരിപാടികളും അരങ്ങേറി.
കെ വാസുദേവൻ, ഐ ആർ സുകുമാരൻ മാസ്റ്റർ, സി കെ സുഹാസ്, സുരേഷ് ഇയ്യാനി, ഇ എൻ ആർ കൃഷ്ണൻ, ജുബി പ്രദീപ്‌, പ്രമോദ് കൊട്ടേക്കാട്ട്, സുബില പ്രസാദ്, എം ജി രഘുനന്ദനൻ, വി ബി ഭൂപേഷ്, രജനി ബാബു എന്നിവർ ചടങ്ങുകൾക്ക് നേതൃത്വം നൽകി.
