മാലിന്യമുക്തം നവകേരളം ജനകീയ ക്യാമ്പയിന്‍;ജില്ലാതല നിര്‍വ്വഹണ സമിതി രൂപീകരണ യോഗം മന്ത്രി കെ രാജന്‍ ഉദ്ഘാടനം ചെയ്യും
തൃശ്ശൂര്‍: നവകേരളം കര്‍മ്മപദ്ധതി 2 മാലിന്യമുക്തം നവകേരളം ജനകീയ ക്യാമ്പയിന്‍ ജില്ലാതല നിര്‍വ്വഹണ സമിതി രൂപീകരണ യോഗം സെപ്തംബര്‍ 13 ന് രാവിലെ 10.30 ന് തൃശ്ശൂര്‍ ടൗണ്‍ഹാളില്‍ നടക്കും. റവന്യു വകുപ്പ് മന്ത്രി കെ. രാജന്‍ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് വി എസ് പ്രിന്‍സ് അധ്യക്ഷത വഹിക്കും. ജില്ലാ കലക്ടര്‍ അര്‍ജുന്‍ പാണ്ഡ്യന്‍ ജനകീയ ക്യമ്പയിന്‍ ആമുഖ അവതരണം നടത്തും. എ ഡി എം ടി മുരളി സ്വാഗതം ആശംസിക്കുന്ന ചടങ്ങില്‍ തദ്ദേശ സ്വയംഭരണ വകുപ്പ് ജോയിന്റ് ഡയറക്ടര്‍ പി.എം ഷെഫീഖ് മാലിന്യമുക്തം നവകേരളം ജില്ലാ പ്രവര്‍ത്തനങ്ങള്‍ അവതരിപ്പിക്കും. നവകേരളം കര്‍മ്മപദ്ധതി 2 ജില്ലാ കോര്‍ഡിനേറ്റര്‍ സി ദിദിക മാലിന്യമുക്തം നവകേരളം കര്‍മ്മപരിപാടി അവതരിപ്പിക്കും. ജനപ്രതിനിധികള്‍, രാഷ്ട്രീയ, മത, സാമുദായിക, കലാ, സാംസ്‌കാരിക, കായിക, സംഘടനാ പ്രതിനിധികള്‍ തുടങ്ങിയവര്‍ പങ്കെടുക്കും.
