വാഴപ്പുള്ളി ശ്രീരാജരാജരാജേശ്വരി ക്ഷേത്രത്തിൽ പൊങ്കാലസമർപ്പണം

എടമുട്ടം : കഴിമ്പ്രം വാഴപ്പുള്ളി ശ്രീരാജരാജരാജേശ്വരി ക്ഷേത്രത്തിൽ പ്രതിഷ്ഠാദിനാഘോഷവും പൊങ്കാലസമർപ്പണവും ശതകലശാഭിഷേകവും നടന്നു. ക്ഷേത്രം തന്ത്രി മുല്ലങ്ങത്ത് നന്ദകുമാർ ശാന്തിയുടെ കാർമികത്വത്തിൽ ആണ് ആചാരക്രിയകൾ നടന്നത്.

രാവിലെ ഗണപതിഹോമവും പന്തീരടി പൂജയും ഉച്ചപൂജയും ശ്രീഭൂതബലിയും നടന്നു തുടർന്ന് അന്നദാനം, 5. 30ന് ശീവേലി എഴുന്നള്ളിപ്പ്, ദീപാരാധന, ചുറ്റുവിളക്ക്, നിറമാല അത്താഴപൂജ എന്നിവ നടന്നു. ക്ഷേത്രം മേൽശാന്തി മനോജ്‚ സന്തോഷ് ശാന്തി‚ കണ്ണൻ ശാന്തി‚ഷിനോജ് ശാന്തി‚ അനേഗ്‚ സനേഷ് ‚അഖിൽ എന്നിവർ സഹകാർമികരായിരുന്നു. ക്ഷേത്രം ഭാരവാഹികളായ, വി യു ഉണ്ണികൃഷ്ണൻ, വി കെ ഹരിദാസൻ, വി ബി ബൈജു, വി ജെ ഷാലി, വി സി ഷാജി തുടങ്ങിയവർ പരിപാടികൾക്ക് നേതൃത്വം നൽകി.