പ്രയുക്തി ജോബ് ഫെയര്‍ ഓഗസ്റ്റ് 24 ന്
മോഡല്‍ കരിയര്‍ സെന്റര്‍ ആന്റ് ടൗണ്‍ എംപ്ലോയ്‌മെന്റ് എക്‌സ്‌ചേഞ്ച് തലപ്പിള്ളി (വടക്കാഞ്ചേരി, തൃശ്ശൂര്‍) സംഘടിപ്പിക്കുന്ന ‘പ്രയുക്തി ജോബ് ഫെയര്‍’ ഓഗസ്റ്റ് 24 ന് രാവിലെ 10 മുതല്‍ ഉച്ചയ്ക്ക് 2 വരെ വടക്കാഞ്ചേരി ഗവ. ഓഫീസ് ബില്‍ഡിംഗ് കോംപ്ലക്‌സിന്റെ രണ്ടാം നിലയിലെ തലപ്പിള്ളി ടൗണ്‍ എംപ്ലോയ്‌മെന്റ് എക്‌സ്‌ചേഞ്ച് ഹാളില്‍ നടക്കും.
സെയില്‍സ് എക്‌സിക്യൂട്ടീവ്, സോഫ്റ്റ്‌വെയര്‍ എഞ്ചിനീയര്‍, ഗ്രാഫിക് ഡിസൈനര്‍, ബിസിനസ് ഡവലപ്‌മെന്റ് എക്‌സിക്യൂട്ടീവ്, ഡിജിറ്റല്‍ മാര്‍ക്കറ്റിങ്, റിലേഷന്‍ഷിപ്പ് ഓഫീസര്‍, ഇന്റേണല്‍ ഓഡിറ്റര്‍, ടെലി കോളര്‍ എന്നീ തസ്തികകളിലായി വിവിധ സ്വകാര്യ സ്ഥാപനങ്ങളിലെ ഇരുന്നൂറോളം ഒഴിവുകളിലേക്ക് കൂടിക്കാഴ്ച നടക്കും. പത്താം ക്ലാസ്, പ്ലസ് ടു, ഡിപ്ലോമ, ബിരുദം, ബിരുദാനന്തര ബിരുദം, എം.ബി.എ എന്നീ യോഗ്യതയുള്ള ഉദ്യോഗാര്‍ത്ഥികള്‍ക്ക് ബയോഡാറ്റയും സര്‍ട്ടിഫിക്കറ്റുകളും സഹിതം അഭിമുഖത്തില്‍ പങ്കെടുക്കാം.
രജിസ്‌ട്രേഷനും മറ്റു വിവരങ്ങള്‍ക്കുമായി [email protected] എന്ന ഇ-മെയില്‍ വിലാസത്തിലോ 04884 235660, 9605808314 എന്നീ ഫോണ്‍ നമ്പറിലോ ബന്ധപ്പെടാവുന്നതാണ്. സ്‌പോട്ട് രജിസ്‌ട്രേഷനും ഉണ്ടായിരിക്കും.
