സ്നേഹത്തണൽ ട്രസ്റ്റ് ജീവകാരുണ്യ പുരസ്കാരം ശലഭ ജ്യോതിഷിന് സമ്മാനിച്ചു
തൃപ്രയാർ : സ്നേഹത്തണൽ ട്രസ്റ്റ് അന്താരാഷ്ട്ര ജീവകാരുണ്യ ദിനത്തോടനുബന്ധിച്ച് നൽകി വരുന്ന നാലാമത് വിശുദ്ധ മദർ തെരേസ ജീവകാരുണ്യ പുരസ്കാരം നാട്ടിക എസ്. എൻ.ട്രസ്റ്റ് ഹയർ സെക്കന്ററി സ്കൂളിലെ അധ്യാപികയും എൻ.എസ്.എസ് കോർഡിനേറ്ററുമായ ശലഭ ജ്യോതിഷിന് സമ്മാനിച്ചു. 10001 രൂപയും പ്രശസ്‌തി പത്രവും, ശില്പവും അടങ്ങുന്നതാണ് പുരസ്കാരം. സ്കൂളിലെ എൻ.എസ്.എസ് വിദ്യാർത്ഥികളോടൊപ്പം ചേർന്ന് നടത്തിയ വേറിട്ട സേവന പ്രവർത്തനങ്ങളാണ് ശലഭടീച്ചറെ പുരസ്‌കാരത്തിന് അർഹയാക്കിയത്. സ്നേഹത്തണൽ ട്രസ്റ്റിന്റെ നാലാംവാർഷിക ആഘോഷ പരിപാടികളോടനുബന്ധിച്ചാണ് പുരസ്‌കാര വിതരണം നടന്നത്.
ട്രസ്റ്റ് പ്രസിഡന്റ് വി.സി.അബ്ദുൾ ഗഫൂർ അധ്യക്ഷത വഹിച്ച ചടങ്ങിൽ ആവണങ്ങാട്ട് കളരി അഡ്വ. എ.യു രഘുരാമൻ പണിക്കർ ഉദ്‌ഘാടനം നിർവഹിച്ചു. ഡോ:സിദ്ധാർത്ഥ ശങ്കർ പൊക്കാഞ്ചേരി ശലഭ ജ്യോതിഷിന് പുരസ്കാരം സമ്മാനിച്ചു. എഴുത്തുകാരൻ ബാപ്പു വലപ്പാട് വിശിഷ്ടാതിഥിയായി പങ്കെടുത്തു. കാലുകൾ തളർന്നുപോയ അവിണിശ്ശേരി സ്വദേശി രാജന് അഡ്വ.രഘുരാമൻ പണിക്കർ വീൽചെയർ കൈമാറി. നിർധന കുടുംബങ്ങൾക്കുള്ള ഓണക്കിറ്റ് വിതരണത്തിന്റെ ഉദ്‌ഘാടനം ബാപ്പു വലപ്പാട് നിർവഹിച്ചു. . ജനറൽ സെക്രട്ടറി എം.എ സലിം, ഭാരവാഹികളായ അശോകൻ കെ.സി, അഹ്ഫത്ത് പി.സി, രാജൻ പട്ടാട്ട്, ടി.വി ശ്രീജിത്ത്, ബാബു കുന്നുങ്ങൽ , ഷൺമുഖരാജ് മാസ്റ്റർ, ജെയ്ക്കോ മാസ്റ്റർ, പ്രേംലാൽ പി.ആർ, ഹാരിസാബു, പ്രകാശൻ കെ.കെ തുടങ്ങിയവർ സംസാരിച്ചു.
