ശ്രീരാമൻ ചിറ തണ്ണിമത്തൻ കൃഷി; വിളവെടുപ്പ് ഉത്സവം നടത്തി

താന്ന്യം: ശ്രീരാമൻ ചിറ പാടശേഖരത്തിലെ തണ്ണിമത്തൻ കൃഷിയുടെ വിളവെടുപ്പ് ഉത്സവം വി.കെ. മോഹനൻ കാർഷിക സംസ്കൃതിയുടെ നേതൃത്വത്തിൽ നടന്നു. മുൻ ധനകാര്യ വകുപ്പ് മന്ത്രി ഡോ. തോമസ് ഐസക്‌ ഉത്സവം ഉദ്ഘാടനം ചെയ്തു. ആദ്യ വിളവെടുപ്പ് ഫുട്ബോൾ ഇതിഹാസം ഐ.എം. വിജയനും പ്രശസ്ത ചലച്ചിത്രസംവിധായകൻ സത്യൻ അന്തിക്കാടും ചേർന്ന് നിർവഹിച്ചു.കാർഷിക ഭൂമിയും ഉത്പ്പാദനവും കർഷക നിയന്ത്രണത്തിൽ കൊണ്ടുവന്ന് ശുദ്ധമായ കാർഷിക ഉൽപ്പന്നങ്ങൾ ജനങ്ങളിലേക്ക് എത്തിക്കുക എന്നതാണ് കാർഷിക സംസ്കൃതിയുടെ ലക്ഷ്യമെന്ന് സംഘാടകർ അറിയിച്ചു. വിളവെടുപ്പ് ഉത്സവത്തിനോടനുബന്ധിച്ച് ഐ.എം. വിജയനെയും കർഷകരെയും കർഷക തൊഴിലാളികളെയും ആദരിച്ചു. അഡ്വ. വി.എസ്. സുനിൽകുമാർ അദ്ധ്യക്ഷത വഹിച്ച ചടങ്ങിൽ കൺവീനർ കെ.കെ. രാജേന്ദ്രബാബു സ്വാഗതവും എം.വി. സുരേഷ് നന്ദിയും രേഖപ്പെടുത്തി.

ചടങ്ങിൽ സി.സി. മുകുന്ദൻ എം.എൽ.എ, ജില്ലാ പഞ്ചായത്ത് പ്രസിഡൻ്റ് വി.എസ്. പ്രിൻസ്, അന്തിക്കാട് പഞ്ചായത്ത് പ്രസിഡൻ്റ് ജീന നന്ദൻ, എലൈറ്റ് ഗ്രൂപ്പ് എം.ഡി. ടി.ആർ. വിജയകുമാർ, അഡ്വ. എ.യു. രഘുരാമൻ പണിക്കർ, ഷീല വിജയകുമാർ, ജില്ലാപഞ്ചായത്ത് മെമ്പർ ഷീന പറയങ്ങാട്ടിൽ, കെ.പി. സന്ദീപ്, ലുലു ഗ്രൂപ്പ് പർച്ചേസ് മാനേജർ വി.എസ്. ടിവിൻ, ഫാ. ജോസഫ് മുരിങ്ങാത്തേരി, എ.എസ്. ദിനകരൻ, സി.ആർ. മുരളീധരൻ, കേരള കാർഷിക സർവ്വകലാശാല റിട്ട. പ്രൊഫ. ഇന്ദിരാദേവി, ഭൗമസൂചിക മേധാവി ഡോ. എൽസി, മണ്ണുത്തി കാർഷിക സർവ്വകലാശാല എ.ആർ.എസ്. മേധാവി ലത, ബ്ലോക്ക് മെമ്പർ ടി.ബി. മായ, വാർഡ് മെമ്പർമാരായ കെ.ബി. സദാശിവൻ, ശാന്ത സോളമൻ എന്നിവർ പങ്കെടുത്തു.