പഠനോപകരണങ്ങളും നോട്ട് പുസ്തകങ്ങളും വിതരണം ചെയ്തു.
എസ് എൻ ഡി പി യോഗം എടശ്ശേരി ശാഖയുടെ നേതൃത്വത്തിൽ പഠനോപകരണങ്ങളും നോട്ട് പുസ്തകങ്ങളും വിതരണം ചെയ്തു. ശാഖ മെമ്പർമാരുടെ വിദ്യാർത്ഥികളായ മക്കൾക്കാന് നോട്ട് പുസ്തകവും മറ്റു പഠനോപകരണങ്ങളും വിതരണം ചെയ്തത്. എസ്.എൻ.ഡി.പി യോഗം നാട്ടിക യൂണിയൻ വൈസ് പ്രസിഡണ്ട് പി വി സുധീപ് കുമാർ വിതരണോദ്ഘാടനം നിർവ്വഹിച്ചു. ശാഖ പ്രസിഡണ്ട് കാർത്തികേയൻ വാലത്ത് അധ്യക്ഷനായി. യൂണിയൻ ബോർഡ് മെമ്പർ പ്രകാശ് കടവിൽ മുഖ്യാതിഥി ആയിരുന്നു. റിട്ടയേർഡ് അദ്ധ്യാപകനും എഴുത്തുകാരനുമായ ഡോ. ആർ സുരേഷ് വിദ്ധ്യാർത്ഥികൾക്ക് മോട്ടിവേഷൻ ക്ലാസ്സ് എടുത്തു. ശാഖാ സെക്രട്ടറി സിദ്ധാർത്ഥൻ കോഴിപറമ്പിൽ, എക്സിക്യുട്ടീവ് അംഗം വസന്തകുമാർ ഇയ്യാനി എന്നിവർ സംസാരിച്ചു.
