തൃശൂർ ജില്ലാ കരാത്തെ ചാമ്പ്യൻഷിപ്പ് തൃപ്രയാർ ടി എസ് ജി എ ഇൻഡോർ സ്റ്റേഡിയത്തിൽ നടന്നു

കരാത്തെ അസോസിയേഷൻ ഓഫ് തൃശൂരിന്റെ നേതൃത്വത്തിൽ നടത്തിയ തൃശൂർ ജില്ലാ കരാത്തെ ചാമ്പ്യൻഷിപ്പ് തൃപ്രയാർ ടി എസ് ജി എ ഇൻഡോർ സ്റ്റേഡിയത്തിൽ തളിക്കുളം ബ്ലോക്ക് പഞ്ചായത്ത് പ്രസിഡന്റ് കെ സി പ്രസാദ് ഉദ്ഘാടനം ചെയ്തു. കരാത്തെ അസോസിയേഷൻ ഓഫ് തൃശൂർ പ്രസിഡന്റ് എ കെ ജയപ്രകാശ് അധ്യക്ഷത വഹിച്ചു. കരാത്തെ കേരള അസോസിയേഷൻ ജനറൽ സെക്രട്ടറി എസ് അരവിന്ദാക്ഷൻ മുഖ്യ പ്രഭാഷണം നടത്തി. ഏഷ്യൻ കരാത്തെ ഫെഡറേഷൻ ജഡ്ജ് എക്സാമിനേഷനിൽ പങ്കെടുത്തു വിജയിച്ച ഷാജു പോൾ, കുമാരി സുമ എ എസ് എന്നിവരെ ചടങ്ങിൽ ആദരിച്ചു. തൃശൂർ സ്പോർട്സ് കൗൺസിൽ പ്രസിഡന്റ് സാംബശിവൻ, TSGA വൈസ് ചെയർമാൻ ടി യു സുഭാഷ് ചന്ദ്രൻ, സി എം നൗഷാദ്, കരാത്തെ അസോസിയേഷൻ ഓഫ് തൃശൂർ ജനറൽ സെക്രട്ടറി മധു വിശ്വനാഥ്, ട്രഷറർ ബെന്നി പി ടി എന്നിവർ സംസാരിച്ചു.
സബ് ജൂനിയർ, കേഡറ്റ്, ജൂനിയർ, അണ്ടർ21,സീനിയർ വിഭാഗങ്ങളിൽ 15 ശൈലികളിൽ നിന്നായി അഞ്ഞൂറോളം വിദ്യാർത്ഥികളാണ് ചാമ്പ്യൻഷിപ്പിൽ പങ്കെടുത്തത്.വൈകീട്ട് 7 മണിയോടെ കത്ത, കുമിത്തെ, ടീം കത്ത വിഭാഗങ്ങളിലായി എല്ലാ മത്സരങ്ങളും സമാപിച്ചു.
420 പോയിൻറ് നേടി കരാത്തെ ദൊ ഗോജുക്കാൻ& കസോക്കു കായ് ഇൻ്റർനാഷണൽ സ്കൂൾ ഓവറോൾ ചാമ്പ്യൻഷിപ്പ് നിലനിർത്തി. 113 പോയിൻ്റോടെ TISKA ഇന്ത്യ അസോസിയേഷൻ രണ്ടാം സ്ഥാനവും 105 പോയിൻ്റോടെ ഒക്കിനാവ ഷോറിൻ റ്യു അസോസിയേഷൻമൂന്നാം സ്ഥാനവും കരസ്ഥമാക്കി. ഈ മത്സരത്തിൽ വിജയികളായ മത്സരാർത്ഥികൾ വരുന്ന നവംബർ 10,11 തീയതികളിൽ കോഴിക്കോട് നടക്കുന്ന വേൾഡ് കരാത്തെ ഫെഡറേഷനു കീഴിലുള്ള കരാത്തെ ഇന്ത്യ ഓർഗനൈസേഷനും കരാത്തെ കേരള അസോസിയേഷനും നടത്തുന്ന സംസ്ഥാന തല ചാമ്പ്യൻഷിപ്പിൽ പങ്കെടുക്കും.