വാഴപ്പുള്ളി ശ്രീ രാജരാജേശ്വരി ക്ഷേത്രത്തിൽ മകരപ്പത്ത് മഹോത്സവത്തിന് കൊടിയേറ്റം

എടമുട്ടം: വാഴപ്പുള്ളി ശ്രീ രാജരാജേശ്വരി ക്ഷേത്രത്തിൽ മകരപ്പത്ത് മഹോത്സവത്തിന്റെ കൊടിയേറ്റം ഭക്തിസാന്ദ്രമായ ചടങ്ങുകളോടെ നടന്നു. ക്ഷേത്ര തന്ത്രി മുല്ലങ്ങത്ത് നന്ദകുമാർ തന്ത്രിയുടെ മുഖ്യകാർമികത്വത്തിൽ മേൽശാന്തിമാരായ മനോജ്, സുജയകുമാർ, കണ്ണൻ, ജിനേഷ് എന്നിവർ ചേർന്ന് പൂജാദികർമങ്ങൾ നടത്തി കൊടിയേറ്റം പൂർത്തിയാക്കി.

മഹോത്സവം ജനുവരി 23ന്
ഏഴുദിവസം നീണ്ടുനിൽക്കുന്ന മഹോത്സവം ജനുവരി 23നാണ് വാഴപ്പുള്ളി ക്ഷേത്രത്തിൽ നടക്കുന്നത്. ഉത്സവത്തിന്റെ ഭാഗമായി വിവിധ കലാപരിപാടികളും ആചാരങ്ങളുമുള്ള ആഘോഷങ്ങൾ നടക്കും.
വിശിഷ്ട ചടങ്ങുകളും സാമൂഹിക മാനവസേവനവും
കൊടിയേറ്റത്തിനുശേഷം എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ കുടുംബാംഗങ്ങളുടെ മക്കൾക്കുള്ള എന്റോവ്മെന്റ് വിതരണം നടത്തി. തുടർന്ന് ക്ഷേത്രം ഹാളിൽ നൃത്ത സംഗീത സന്ധ്യ അരങ്ങേറി.
ചടങ്ങുകൾക്ക് ക്ഷേത്രം പ്രസിഡണ്ട് വി.യു. ഉണ്ണികൃഷ്ണൻ, സെക്രട്ടറി രാധാകൃഷ്ണൻ, കമ്മറ്റിയംഗങ്ങളായ ഹരിദാസ്, ബൈജു എന്നിവർ നേതൃത്വം നൽകി.