യു എ ഇ ദേശീയാഘോഷത്തിന് സ്നേഹ സമ്മാനം; കുവൈറ്റിൽ നിന്നും വീഡിയോ ആൽബം
കുവൈറ്റ് : ലക്ഷക്കണക്കിന് പ്രവാസി മലയാളികളുടെ അതിജീവനത്തിന് താങ്ങും തണലുമേകുന്ന യുഎഇ യുടെ അമ്പത്തിമൂന്നാമത് ദേശിയ ദിനാഘോഷം ഈദ് അൽ ഇത്തിഹാദ് -ന് കുവൈറ്റിൽ നിന്നും സ്നേഹ സമ്മാനമായി വീഡിയോ ആൽബം പുറത്തിറക്കി.
ഹബീബുള്ള മുറ്റിചൂർ സംവിധാനം ചെയ്ത ‘ഈദ് അൽ ഇത്തിഹാദ്’ എന്ന ആൽബം മിഷ്‌രിഫിലെ എക്സിബിഷൻ സെന്ററിൽ ലിറ്റിൽ വേൾഡ് ഡയറക്ടർ ടോണി വേഗ പ്രകാശനം ചെയ്തു. കുവൈറ്റ് ഇന്റർനാഷണൽ ഫെയർ ഡയറക്ടർ അബ്ദുറഹ്മാൻ അൽ നാസർ, അനിൽ ചന്ദ്രൻ ബേപ്പ്, അസിസ്റ്റന്റ് ഡയറക്ടർ മിഷ്അൽ മുതൈരി, അബ്ദുറഹ്മാൻ മീത്തൽ തുടങ്ങിയവർ ചടങ്ങിൽ സന്നിഹിതരായിരുന്നു. ആൽബത്തിലെ അഭിനേതാക്കളെ ചടങ്ങിൽ ആദരിച്ചു.
ബാപ്പു വെള്ളിപ്പറമ്പ് രചന നിർവഹിച്ച ഗാനം പ്രശസ്ത ഗായകൻ എം എ ഗഫൂറാണ് ആലപിച്ചത്. കുട്ടികളും മുതിർന്നവരും അണിചേർന്ന വര്ണാഭമായ കൊറിയോഗ്രാഫി രാജേഷ് കൊച്ചിൻ ഡികെ ഡാൻസ് ആണ് അണിയിച്ചൊരുക്കിയത്, റഹ്മാനിയ ദഫ് സംഘവും അണിനിരന്നു. രതീഷ് സിവി അമ്മാസ് ആണ് ഛായാഗ്രഹണം നിർവഹിച്ചത്.
