ഇന്റർനാഷണൽ അക്കാഡമി ഫോർ സ്പോർട്സ് ആൻഡ് കൾച്ചർ, കുവൈറ്റിലെ കുട്ടികൾക്കായി ഫുട്ബോൾ, ബാസ്കറ്റ്ബോൾ മെഗാ ലീഗ് സംഘടിപ്പിക്കുന്നു

കുവൈറ്റിലെ പ്രമുഖ സ്പോർട്സ് അക്കാഡമിയായ ഇന്റർനാഷണൽ അക്കാദമി ഫോർ സ്പോർട്സ് ആൻഡ് കൾച്ചർ കുട്ടികൾക്കായി ഫുട്ബോൾ, ബാസ്കറ്റ്ബോൾ എന്നീ ഇനങ്ങളിൽ മെഗാ ലീഗ് മത്സരങ്ങൾ സംഘടിപ്പിക്കുന്നു. പത്തു വയസ്സുമുതൽ പത്തൊൻപതു വയസ്സ് വരെ ഉള്ള ഇന്ത്യൻ സ്കൂൾ വിദ്യാർത്ഥികൾക്കായി നടക്കുന്ന മത്സരത്തിന് വിപുലമായ സംവിധാനമാണ് ഒരുക്കിയിരിക്കുന്നത് എന്ന് ഭാരവാഹികൾ അറിയിച്ചു.
ഇതിന്റെ ഭാഗമായി നടക്കുന്ന പതിനാറു വയസ്സിനും പത്തൊൻപതു വയസ്സിനും താഴെ പ്രായമുള്ള കുട്ടികൾക്കായുള്ള 5A സൈഡ് ഫുട്ബോൾ ടൂർണമെന്റ് നവംബര് പത്തുമുതൽ ആരംഭിക്കും . ഇന്ത്യൻ സ്കൂൾ കുട്ടികൾക്കായുള്ള ഈ ടൂര്ണമെന്റിലേക്കുള്ള രജിസ്‌ട്രേഷൻ ആരംഭിച്ചു.
വിശദവിവരങ്ങൾ IASC യുടെ സോഷ്യൽ മീഡിയ പേജുകളിൽ ലഭ്യമാണ് . നവംബർ നാലാണ് ആദ്യഘട്ട മത്സരങ്ങളിൽ രജിസ്റ്റർ ചെയ്യുവാനുള്ള അവസാന ദിവസം.