കുവൈറ്റ് കെ എം സി സി കണ്ണൂർ ജില്ല കമ്മറ്റി ഇഫ്താർ മീറ്റ് സംഘടിപ്പിച്ചു
കുവൈറ്റ് : കുവൈറ്റ് കെ എം സി സി കണ്ണൂർ ജില്ലാ കമ്മറ്റി ഇഫ്താർ മീറ്റ് സംഘടിപ്പിച്ചു. ഇഫ്താർമീറ്റിന് ശേഷം പാർലമെൻറ് ഇലക്ഷൻ പ്രചരണവും നടന്നു. കുവൈറ്റ് കെ എം സി സി കണ്ണൂർ ജില്ല പ്രസിഡണ്ട് നാസർ തളിപ്പറമ്പിന്റെ അധ്യക്ഷതയിൽ നടന്ന ചടങ്ങിൽ കുവൈറ്റ് മിനിസ്ട്രി ഓഫ് ഹൗസിങ് സീനിയർ ഇഞ്ചിനീയർ ഉമർ അൽ അൻസാരി ഉദ്ഘാടനം നിർവഹിച്ചു. ഷമീദ് മമ്മാക്കുന്ന് സ്വാഗതവും വൈസ് പ്രസിഡണ്ട് സുഹൈൽ അബൂബക്കർ ഖിറാഅ ത്തും നടത്തി. വിശിഷ്ട അതിഥികളായി പങ്കെടുത്ത കുവൈറ്റിലെപ്രമുഖ വ്യവസായിയും ഫിലൻത്രോപിസ്റ്റുമായ അഹമ്മദ് അൽ അൻസാരി, ഉമർ അൽ അൻസാരി എന്നിവർക്ക് കണ്ണൂർ ജില്ലകമ്മറ്റിയുടെ ഉപഹാരം ഡോ: സയ്യിദ് ഗാലിബ് അൽ മശൂർ തങ്ങൾ നൽകി.
കണ്ണൂർ ,കാസർകോഡ് ,വടകര പാർലമെന്റ് ഇലക്ഷൻ പ്രചരണവും നടന്നു മെട്രോമെഡിക്കൽ ഇന്റർ നാഷണൽ സി ഇ ഓ ഹംസ പയ്യന്നൂർ, കുവൈറ്റ് കെ എം സി സി സംസ്ഥാന ട്രഷറർ ഹാരിസ് വെള്ളിയോത്ത്, സംസ്ഥാന വൈസ് പ്രസിഡന്റമാരായ എം ആർ നാസർ ,ഇഖ്‌ബാൽ മാവിലാടം, ഡോക്ടർ മുഹമ്മദലി, സംസ്ഥാനജോയിന്റ് സെക്രട്ടറിമാരായ ശാഹുൽ ബേപ്പൂർ, ഗഫൂർ വയനാട്, മണ്ഡലം നേതാക്കളായ നവാസ് കുന്നുംകൈ ,അഷ്‌റഫ് തലശേരി ,നൗഷാദ് കക്കറ ,അശ്രഫ് അരിയിൽ ,ജബ്ബാർ സാഹിബ് ,തുടങ്ങിയവർ ആശംസകൾ നേർന്നു.
കണ്ണൂർ, അഴീക്കോട്, തളിപ്പറമ്പ് മണ്ഡലങ്ങളിൽ നിന്നും പിരിച്ചെടുത്ത സെക്യൂരിറ്റി സ്കീം തുക റഈസ് കിഴുന്ന, നവാസ് കുന്നും കൈ,റഷീദ്തളിപ്പറമ്പ്,എന്നിവരിൽ നിന്നും ഡോക്ടർ മുഹമ്മദലി ഏറ്റു വാങ്ങി, സാബിത്ത് ചെമ്പിലോട്, റഷീദ് തളിപ്പറമ്പ, ശിഹാബ് ബാർബീസ്, ഹാരിസ് പന്നിയൂർ, അമീർ അലി, അഷ്‌റഫ് ആലക്കാട് നേതൃത്വം നൽകി. ഉസ്താദ് സുബൈർ മൗലവി ആലക്കാട് റമദാൻ സന്ദേശവും ട്രഷറർ ഇസ്മായിൽ അഴീക്കോട് നന്ദിയും പറഞ്ഞു.
